Filipi 1:1 - Alkitab Duri

¹ Ee, tomala'bihku' tonnatoro' jamaa sola tontulung jamaa na sininna umma'-Na Puang Isa Almaseh jio kota Filipi! Aku' Paulus na Timotius taun-Nakan Puang Isa Almaseh ngkiringan kamu' tee sura'.

Filipi 1:1 Iomraidhean Croise

Markus 13:34

Ia joo wa'ding dipasangrapang mesa' tau ssalai bolana la male sompa'. Ia tonna te'dapa namale, pada napabarakkanni jaman to kaunanna. Ia to tomangjaga ba'ba napangngingaran, anna mangjaga melo.

Yahya 12:26

Inda-inda kamu' to madoang mpangjamanna', la undii lako Aku', anna umbo-umbo kunii male, jio todai. Ia to tompangjamanna' la naangga' Ambe'-Ku'.”

Jamanna Rasulu' 1:20

Nakua Petrus, “Den diuki' lan Sura' Pangpujian kumua, ‘Ma'namo namakarorrong to bolana. Moi mesa' danggi' naden tau torro lan.’ Den too diuki' susi tee, ‘Ma'namo nadiben tau leko' to jamanna.’

Jamanna Rasulu' 20:28

Njagai kamu' kalemi. Mijagai tooi jamaa to mangka napangben Roh Allataala la mijagai, nasaba' kamu'mo diangka' menjaji tonnatoro' jamaa-Na Puang Allataala. La mijagai melo to taun-Na susi tomangrewa rrewai bembala'na, nasaba' elohnamo Puang Allataala namate Puang Isa dikua nawa'ding lla'bak taun-Na.

Jamanna Rasulu' 9:13

Napebalii Ananias nakua, “Oo, Puang! Tuli kusa'ding napau tobuda kumua ia joo tau takkaliwa' to pangsessana lako taun-Ta' jio kota Yerusalem.

Roma 1:1

Ee, todipusile'to jio kota Roma, to napakamoja' Puang Allataala, to napileimo menjaji taun-Na! Napilei toomo' menjaji taun-Na, naangka'na' menjaji rasulu' la mpangpeissenan Kareba Kasalamatan jio mai Puang Allataala.

Roma 1:7

Iami joo na aku' Paulus nnukiran kamu' tee sura' mati'. Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

1 Korintus 16:10

Ianna ratu Timotius mati', tarima meloi anna masannang torro sola kamu', nasaba' susi bang una aku' mpangjaman Puang Allataala.

2 Korintus 1:1

Ee, tomala'bihku' sola ngasan, tomatappa' lako Puang Allataala jio kota Korintus sola sininna to tomatappa' lan lili'na propinsi Akhaya! Aku' Paulus sola padanta' tomatappa' Timotius ngkiringan kamu' tee sura'. Napileina' Puang Allataala situru' pakkaeloran-Na menjaji rasulu'-Na Puang Isa Almaseh. Dennaa upa' nabarakka'i kamu' Ambe'ta' Puang Allataala sola Puang Isa Almaseh naben kamu' kamasannangan.

Galatia 1:10

Na umbo nakua, pangkabudaian tolinoraka to kuangah? Te'da, apa pangkabudaian-Na Puang Allataala. Ba'tu nnangahra'ka lalan dikua nakabudaina' tolino? Ia ke nnangah unapa' lalan dikua nakabudaina' tolino, manassa tangngiana' taun-Na Almaseh.

Galatia 3:26

Napuanak ngasanmo kamu' Puang Allataala, sanga matappa'mo kamu' lako Puang Isa Almaseh.

Galatia 3:28

Te'damo nadipasilaenan to-Yahudi na bangsa tangngia to-Yahudi, kaunan na tangkaunan, muane na baine, nasaba' sirapumo kamu' Puang Isa Almaseh tommidijio'.

Efesus 1:1

Ee, tomala'bihku' sola ngasan, tomatappa' na tonturu' Puang Isa Almaseh jio kota Efesus! Ia tee sura' pole jio mai aku' Paulus, rasulu'-Na Puang Isa Almaseh situru' pakkaeloran-Na Puang Allataala.

Efesus 1:15

Iamo joo anna ia tongkusa'dingngi kumua matappa'mo kamu' lako Puang Isa, na sipakamoja' kamu' sininna umma'-Na Puang Allataala,

Efesus 6:24

Dennaa upa' nabarakka'i Puang Allataala sininna tau to mpakamoja' tarruhhi to Puangta' Puang Isa Almaseh. Padamo jolo' too. Sallangki' mati', Paulus.

Filipi 2:19

Ia ke napuelohhi Puang Isa, madoangna' ssuai madoi' mati' to Timotius, dikua na ianna pole mai, ia to karebammi mpamasannang penawangku'.

Filipi 2:5

Na ia to penawammi la susi penawan-Na Puang Isa Almaseh:

Filipi 3:12

Te'da kukua mangkamo' nnampa'i joo kukadoangngi, iarika mangkamo' menjaji totangkasalan. Apa tarruh-tarruh bangpa' mpengkulleii, kenna wa'ding kuampa' todai, nasaba' iamo joo patun-Na napupenjajina' Puang Isa Almaseh taun-Na.

Filipi 3:3

nasaba' kita'ra to disanga todisunna' tongan na kita' toora to ssompa Puang Allataala situru' pangpatujun-Na Roh Allataala. Kita'ra to masannang, nasaba' mesa' penawamiki' sola Puang Isa Almaseh, te'da na atoran agama tapattuan mpupenjaji tomeloki'.

Filipi 3:8

Kupurugi ngasan joo, nasaba' kupahang kumua la'bih melo to nnissen Puangku' Puang Isa Almaseh, na ia to laenna. Te'da ngasanmo kupugaukki, na kusangamira burauk, dikua angkuampa'i to Almaseh,

1 Tesalonika 1:1

Ee, tomala'bihku', tomatappa' lako Ambe' Puang Allataala sola Puang Isa Almaseh! Aku' Paulus nnuki'i tee sura' sola Silas na Timotius lako kamu' jamaa jio kota Tesalonika. Dennaa upa' nabarakka'i kamu' Puang Allataala, naben kamu' kamasannangan.

1 Tesalonika 2:2

Miissen kumua ia tonna te'dapa kimale mati' kota Tesalonika, mangkakan dipakario-rio sola dipakasiri' jio kota Filipi. Susi too iti' budamo to nnewakan, apa kabaranian pole jio mai Puang Allataala, angkiwa'ding mpangpeissenan Kareba Kasalamatan jio mai Puang Allataala lako kamu'.

2 Tesalonika 1:1

Ee, tomala'bihku', tomatappa' lako Ambe'ta' Puang Allataala sola Puang Isa Almaseh! Aku' Paulus nnuki'i tee sura' sola Silas na Timotius lako kamu' jamaa jio kota Tesalonika.

2 Tesalonika 1:10

La jaji ngasan joo ke ratu pole'mi Puang Isa. Ia joo wattu ia to Puang Isa la napakala'bih sola nakasiri' umma'-Na, iamo to sininna to tongkatappa'ii. Ia joo wattu la mipakala'bih tooi, nasaba' mikatappa'imo to kareba kipangpeissenan.

1 Timotius 3:8

Ia to tontulung jamaa parallu messipa' melo, te'da namangkada tangtongan, te'da napangngiso', na te'da too napangdoi'.

Titus 1:1

Ee, Titus to kupuanak! Aku', Paulus, mesa'na' taun-Na Puang Allataala na rasulu'-Na Puang Isa Almaseh ngkiringanko tee sura'. Dipileina' angkuajahhi to tonapilei Puang Allataala, namatappa' tongan. Dipilei toona' mpatuju ngasanni, anna issenni to pangngajaran tongan, natuo situru' pakkaeloran-Na Puang,

Titus 1:7

Ia to tonnatoro' jamaa, iamo to mpangjaman Puang Allataala. Iamo joo naparallu tomakassing sola totangmangkada mesa. Te'da nawa'ding salle galli, ba'tu pangngiso', ba'tu passiboboran, ba'tu pangdoi'.

Filemon 1:1

Ee, sangpangjamanki' Filemon, tokipakamoja' sola jamaa to sirempun iti' bolamu na padanta' tomatappa' Apfia na sangpangjamanta' Arkhipus! Aku' Paulus, to ditarungku, nasaba' nturu'na' Puang Isa Almaseh, ngkiringan kamu' tee sura' sola padanta' tomatappa' Timotius.

Ibrani 13:23

La miissen kumua dila'paranmi to Timotius padanta' tomatappa' lan mai pangtarungkuan. Ianna madoi' ratu inde', la kusolan ke malena' mati' ssikitan kamu'.

Yakub 1:1

Ee, tomala'bihku' sola ngasan, umma'-Na Puang Allataala to titaleh lan lili'na lino. Ia tee sura' pole jio mai aku' Yakub tonasua Puang Allataala sola Puang Isa Almaseh.

1 Petrus 2:25

Ia tonna jolona susi kamu' to bembala' lewa', apa ia tee too dipapolemo kamu' lako Tomangrewa to mpuinawa kamu'.

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.

Yudas 1:1

Ee, tomala'bihku' sola ngasan, todipilei na tonapakamoja' tarruh Ambe' Puang Allataala! Naampai kamu' saratun-Na pole' Puang Isa Almaseh. Aku' Yudas sile'tona Yakub, tonasua Puang Isa Almaseh, ngkiringan kamu' tee sura'.

Pengkitanna Yahya 1:1

Ia to issinna tee sura' iamo to apa la jaji madoi'. Napaui Puang Allataala lako Puang Isa Almaseh anna Ia mpangpeissenanni lako taun-Na. Iami joo nasuai Almaseh to malaeka'-Na mpangpekitanni lako aku' Yahya kaunan-Na.

Pengkitanna Yahya 1:20

Ia to battuananna tee pitu bintuin to mukita jio lima kanan-Ku' sola tee pitu tongkonan bulawan susi tee: Ia to pitu bintuin, iamo malaeka'na to pitu jamaa. Na ia to pitu tongkonan, iamo to pitu jamaa.”

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.

Pengkitanna Yahya 2:12

Nasuana' nakua, “Uki'i susi tee lako malaeka'na jamaa jio kota Pergamus: Ia tee pepasan pole jio mai Aku' to ntoe pa'dang mataran wali-wali. Iamo tee pepasan-Ku':

Pengkitanna Yahya 2:8

Nasuana' nakua, “Uki'i susi tee lako malaeka'na jamaa jio kota Smirna: Ia tee pepasan pole jio mai Aku', to pamulanna na cappa'na, to mangkamo mate, na tuo pole'. Iamo tee pepasan-Ku':

Pengkitanna Yahya 22:9

Apa napangkadaina' nakua, “Danggi'! Danggi' sompana'! Puang Allataalara musompa! Sanga pada todisuariki' sola sile'tomu nabi na sininna tonturu' pepasan lan tee sura'.”