Filemon 1:6 - Alkitab Duri

⁶ Massambajangna' kumua ammuissen tonganni to sininna barakka' pole jio mai Almaseh, sanga pada matappa'ki'.

Filemon 1:6 Iomraidhean Croise

Matius 25:16

Ia joo kaunan to diben lima talenta, ta'pa malemi ndangkanganni, nasumaro manglokkon penduan.

Matius 5:16

Iamo joo, pemakassingngimi tuu panggaukanmi nturu' Puang, nakitai tau susi lampu nnarrangngi tau, nawa'ding nnissenni to kameloan-Na Ambe'mi Puang Allataala jao suruga.”

1 Korintus 14:25

Kaissenanni to apa membuni lan penawanna, anna suju' ssompa Puang Allataala. Nakatappa'i kumua, “Lan tonganmo tangnga-tangngami to Puang Allataala.”

1 Korintus 16:9

sanga den wattu melo inde' kunii njama jaman makkeguna, moi nabuda tau nnewalina'.

Filipi 4:8

Ee, tomala'bihku' sola ngasan! Mangkatampakanna, la mipallan penawai sininna to pangngajaran tongan, sininna to mala'bih, sininna to maruruhna, sininna to tangkasalan, sininna to maballona, sininna to melona disa'ding, to mangpamasannang sola sipato'na dipuji.

Kolose 1:9

Iamo joo tongkisa'dingngi to apa jaji lako kalemi, kipassambajangan tarruh kamu' lako Puang Allataala, kumua ammisannissen-nissennai to pakkaeloran-Na ammiampa' tooi to sininna kapaissenan to pole jio mai Roh Allataala.

Kolose 3:10

Mangkamo kamu' diben katuoan baru. Menjajimo kamu' tau baru to napaden Puang Allataala. Na da'tan bang kamu' dibarui, ammisannissen-issenna Puang Allataala sola ammisasusi-susinna sipa'-Na.

Titus 3:14

Makassing ke sininna solata' tomatappa' melajah mpugaukki to apa melo anna angahhi to naparalluinna, danggi' natuo te'da bua'na.

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

Yakub 2:14

Ee, tomala'bihku' sola ngasan! Apara bua'na to tau ssanga kalena tomatappa', ke te'dai napasiolananni panggaukanna? Te'da bua'na, nasaba' kamatapparan susi joo te'da nakulle la mpasalama'i.

Yakub 2:17

Susi toomi joo te'da bua'na to kamatapparan, ke te'da nadipasiolanan panggaukan.

1 Petrus 2:12

Mbai den tau to tangnturu' Puang to mpau gaja' kamu'. Iamo joo la melo to sipa'mi nakitai tau kumua melo to apa mipugauk. Na undinna naakui kumua melo to sipa'mi anna mpakala'bih Puang Allataala ke ratui rra'tah kara-karana tolino.

1 Petrus 3:1

Ee, kamu' to baine kebalimo! Susi todami, la mengkaturu' lako kamu' balimmi. Na ia ke denni balimmi to te'dapa nakatappa'i kadan-Na Puang Allataala, ia to sipa' melomi la nakita, namenjaji matappa'. Te'damo miparallu mpauanni apa,

1 Petrus 3:16

Apa mebali melo bang kamu', danggi' mimatampo. La tuli manggauk melo kamu', anna ia to tompau gaja' kamu' la masiri', nasaba' melo bang to sipa'mi situru' pakkaeloran-Na Almaseh.

2 Petrus 1:8

Ia ke messipa' susimo kamu' joo nasamelo-melona, manassa kumua miissen tonganmi to Puangta' Puang Isa Almaseh namakkeguna joo kapaissenanmi.