Filemon 1:16 - Alkitab Duri

¹⁶ apa te'damo nalasusi bang kaunanmu, apa la susi sile'tota' to kaminang dipakamoja'. Na kupakamoja'mo, apa pole' iko. Mupakamoja'i susi kaunanmu sola sile'tomu to pada matappa'mo lako Almaseh.

Filemon 1:16 Iomraidhean Croise

Matius 23:8

Danggi' mimadoang disanga ‘Guru’, nasaba' tosile'to ngasan kamu' na mesa'ra Gurummi.

Jamanna Rasulu' 9:17

Malemi Ananias lako ntuu joo bola, napalullungngi pala'na to Saulus, nakua, “Ee, tokupusile'to Saulus! Ia to Puang Isa, mukita jio tangnga lalan tommumangnguju jio mai, ssuana' ratu, dikua ammuwa'ding pakita pole', nakuasai tooko Roh Allataala.”

1 Korintus 7:22

Ia to kaunan namatappa'mo lako Puang, tomaradekan-Namo ia Puang. Na ia to tomaradeka namatappa'mo lako Puang, kaunan-Na ia Almaseh.

Kolose 3:22

Ee, kamu' to kaunan! Turu'i to sininna parentana puangmi lan tee lino. Danggi' na ia manda ke nakita kamu' mipemasannangngii to penawanna. Apa la mituru' tonganni to parentana, ammikasiri'i susi ngkasiri' Puang Allataala.

1 Timotius 6:2

Ia to kaunan matappa' na tomatappa' toda to puangna, danggi' nasangai kumua ia to puangna te'da naparallu nakasiri' nasaba' pada tomatappa'i. Sibalikanna la la'bih napemeloiri to pangjamanna lako, nasaba' ia joo puangna napangjaman pada tomatappa'i na pada dipakamoja' tooi. La mupangpangngajaran ngasan tee, mupake tooi mpangngingaran tau.

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.