Ester 1:10 - Alkitab Duri

¹⁰ Ia tonna allo mangpempitumo, gaja sannangmi raja, nasaba' mangkamo nniso' buda anggoro'. Natambaimi pitu to pangjamana nakatappa'i, iamo to Mehuman, Bizta, Harbona, Bigta, Abagta, Zetar na Karkas.

Ester 1:10 Iomraidhean Croise

Ester 1:9

Ia joo wattu ia to bainena raja disanga Datu Wasti, mpaden todai pangmaroasan lan istana lako sininna baine.

Ester 3:15

Situru' parentana raja naparri-parri to todisua male mbawai joo sura' mangka dipalembah lako sininna karajaan. Massuai raja anna ia joo parenta dipangpeissenan too jio benteng Susan. Mangkai joo too, cumadokko-dokkomi Haman sola raja mangngiso' anggoro', apa marongkai to tau jio kota Susan, nasaba' ia joo kareba.

Ester 7:9

Namangkada to Harbona, sala mesa'na pangjamana to nakatappa'i raja nakua, “Ie', den ariri tokesan duangpulo dua metere' matandena jio sikandoppi' bolana Haman. Mangka napake'deh Haman la nanii ntoke' Mordekhai, to tomangka mpasalama' sunga'na raja.” Napangparentanmi raja nakua, “Toke'mi Haman jao ntuu joo ariri tokesan!”

Kada Bulawan 20:1

Gaja bango' to tau ke mangngiso' anggoro'i ba'tu tuak napumalangoi. Ia ke malangoi mangcapa'i na tangsirundunan kadanna.

Kada Bulawan 31:4

Ee Lemuel, ingaranni! Te'da na sipato' to raja mpubiasan mangngiso' anggoro' iarika tomangparenta ngkadoangngi pangngiso' mepamalango.

Rut 3:7

Ia tonna mangkamo Boas kumande sola mangngiso', masannangmi penawanna. Malemi mamma' jio to' siandah jelai ditombon. Napaela'-ela'i Rut mpendeppe'i, naangka'i ci'di' to pennammu'na Boas, namamma' jio to' ajena.