Titus 2:3 - Bo-Ung NT

³ Aku-sikuko ámbu-ambúma mani sikunu kene nikunu mele: “Pulu Yili-nga ungma táka-niku piliiku yu-ni kanupa kaí piliilimú uluma teku molku, yambumanga ung-bulkundu naa ninjiku, ‘No-tonduluma-ni enini naa ambulupili.’ niku molku, [ambuma kene eninga kangambulama kene] ulu-kaí tingíma mani sangi.” ni.

Titus 2:3 Iomraidhean Croise

Romans 1:29

Eninga numanuna ulu-pulu-kis lupa-lupa pulele pirimeliinga enini ulu-kísima teku, méle pulele nosulimelema kanuku numanu monjuku ‘Liambuka!’ niku piliiku, yambu mare-kene waperanale teku, ulu akuma mindi teku molemele. Yambu te méle pulele nosilimále kanuku kis piliiku, yambuma toku konjuku, ‘Yambuma-kene táka-nimbu molamili.’ naa niku ung-muranale teku, gólu tuli uluma teku, yambuma-kene numanu kis panjiku teku kis-siku, ulu akuma tingíndu mindi numanu kimbu-siku molemele. Enini yambumanga ung-bulkundu ninjiku,

Romans 16:2

‘yu Auliele-nga ambu te akiliinga’ niku “Molamili ui.” ninjai. ‘Eni Pulu Yili-nga yambuma molkuliinga aku-siku teku, yu-ni [Pulu Yili-nga] yambu pulele tondulu mundupa liipa tapunjupa, na kepe liipa tapunjurum akiliinga yu buni te pimu lem liiku tapunjangi.’ nimbu mawa teker.

Ephesians 5:3

[Eni Pulu Yili-nga kangambulama molemele akiliinga] waperanale naa teku, yambu tenga kangina ulu kalaru mululi uluma naa teku, méle nosulimele mélema ‘Kapula naa tekem.’ niku yambu marenga mélema yama meku ‘Na liipu nosambuka!’ niku naa teai. Ulu akumanga temani laye-kolte kepe aima naa teai. Pulu Yili-nga yambu kake tílima ulu akuma tingí mola temani tungí kene kapula naa temba akiliinga aku-siku aima naa teai.

1 Timothy 3:11

Ambuma kepe, aku-siku mele yambuma-ni kanuku kis piliingí uluma naa teku, uluma tingí mele mimi-siku piliiku táka-niku teku mulungí ambuma molku, yambu tenga ung-bulkundu naa ninjiku, molku konjuku, ulu kaíma mindi numanu kimbu-siku, eninga kongunuma mimi-siku piliiku teku kunjingí ambuma molangi.

1 Timothy 3:8

Krais-nga yambu-talapeliinga kongun tinjili yi mulungíma enini kepe aku-siku mele molku konjangi: Yambuma-ni enini kanuku kaí piliiku eninga ungma liiku ai-siku, ‘enini oliunga kongun tinjili yima mulúngi lem kapula.’ ningí uluma teku kene kongun tingíndu mimi-siku piliiku táka-niku tingí yima molku; numanuna ung lupa-lupama piliiku kerina ung lupa-lupama niku naa teku, yambu marendu ung lupa-lupama niku marendu alowa teku ung lupa-lupama niku naa teku; no-tondulu pulele noku kelep naa toku, ‘[Krais-nga] yambumanga kongun tenjipu kene ku-moni pulele liimbu.’ ningí yima naa molangi.

1 Timothy 5:23

[Akiliinga-pe ‘Sumbi-sipu molambu.’ nikunu] bo-no mendepulu nollu mele penga aku-sikunu naa ti. Nu kuru taki-taki topa nunga oluna kapula naa telemáliinga ‘Kuru pora nimba kangi tondulu pupili.’ nikunu no-waen kolte nui.)

Titus 1:7

Krais-nga yambu-talapemanga tápu-yima-ni Pulu Yili-nga kongunale nokolemeláliinga yambuma-ni kanuku kis piliingí ulu te enini-kene naa pili yima molangi. ‘Oliu aima piliipa kungnjuli pelemú yima.’ niku yambuma tondulu munduku nokuku, nondupa arerembi kolku, no-tondulu nungíndu ‘Pulele nombú kene kelep tombu.’ niku naa piliiku walu-siku noku, yambuma-kene ele teku, ku-moni kene mélema kene yama panjiku ‘Kongun akiliinga ku-moni pulele wa-mele liimulú.’ niku, aku-siku molku kis-singí yima ‘Tápu-yima naa molangi.’ nikunu makó naa tui.

Titus 2:4

Ámbu-ambúma aku-siku ulu-kaíma teku mulungéliinga ambu-kanguwama teku mulungí mele manda mani siku kene niku mele: “Eninga yima kene kangambulama kene numanu monjuku,

Hebrews 5:12

Eni aima kórunga-ui Krais-nga yambuma muluring, akiliinga ekupu eni Pulu Yili-nga ungma bo tunjuli yambuma molku yambu mare bo tonjulkemela akiliinga-pe kangambula koela skull tingíndu “A B D piliangi.” niku ung-bo tonjilimele aku-mele eni aku-siku Pulu Yili-nga ui-pulu-pulu ung-pulu ui kumbi-leku piliilkimiláma naa piliilimiláliinga yambu te-ni ‘Eni ung-bo tonjambu.’ nimba kene [Pulu Yili-ni Krais mana liipa mundurum, yu oliunga nimba alko topa kulunjurum] ung akuma mindi alsupa kapula ung-bo tonjumba kene piliingínje, [ung tonduluma kapula ung-bo naa tonjumba. Naa piliilkimilá]. Eni kangambula-pamema mele ame mindi nolemele, langi tonduluma kapula naa nolemele.

Revelation 2:20

“Aku sika akiliinga-pe na-ni nu kanupu kis piliiliu akili i-sipa mele: Gólu topa “Pulu Yili-nga ung mare “Yambuma nikunu si.” nimu ungma piliipu nimbu siliu.” nilimú ambu Jesepell, yu-ni nanga kendemande-yambuma kundi topa ung-bo tonjupa kene nimba mele: “Waperanale teku, we-mélemandu ‘Oliunga pulu yima.’ niku popu toku langi kalemele langima nungí kene kapula.” nilimú ambu kanili ung-mura sikunu “Pui.” naa nikunu we mulupili kelellu.