Revelation 6:12 - Bo-Ung NT

¹² Penga na kanupu mulurundu kene Sipsip-Walále-ni buk kumú-tuliele wakaye monjuku tambu siring wakaye angere tale-guli-sipale wendu liirim. Wendu liirim kene ma-jim-jim aima auli te tepa, enale aima pombera topa [sumbulu molupa], kaliimbale konduli tepa memi tepa,

Revelation 6:12 Iomraidhean Croise

Matthew 11:21

“Kolea Korasin kene Besaida taon-selenga [molemele yambuma] mindili noku aima molku kis-singí! Kolea akuselenga sukundu ulu-tondulu pulele tirindu [akiliinga-pe akuna molemele yambuma numanu topele naa tolemele]. Kolea-auli Taya kene Saidon-selenga sukundu [ulu-tondulu te naa tirindu akiliinga-pe kolea kanuselenga sukundu] na-ni ulu-tondulu aku-sipu telka kanolkemelanje kolea kanuselenga [yambuma-ni] enini ulu-pulu-kis telemelema kórunga munduku kelku, liiku bulu siku, numanu topele tolkemela.

Matthew 24:29

“Ena kanumanga mindili nungí niker ulu akuma wendu ombá kene pe sumbi-sipa [ulu lupa-lupa mare wendu ombáko. Akuma i-sipa mele:] ‘Kolea tangumbandu ena-mundi tolemú mele naa topa, sumbulú topa, kaliimbu sumbulsuli talang pupa pa tenjilimú mele naa tepa, kombukantupuma mulúna mania omba, mulúna angiliimú méle tonduluma lope-lope tepa anju-yandu pupa, aku-sipa ulu lupa-lupama wendu ombá.’ Asaya 13:10, 34:4

Matthew 24:7

[Mulú-masele pora nimbá enale ui wendu naa upili buni auli mare wendu ombá.] Yambu-talape auli te kene talape auli te kene ele tekulu, yi nuim king marenga talapema-kene marenga talapema-kene ele tingí. Ya ma-kolea lupa-lupamanga engle lepa, ma jim-jim tepa, aku-sipa temba.

Matthew 27:45

[Yesos unji-perana ola we pípili] ai-tangili ena tuwallup killok tirim kene kolea pali sumbulú topa kene, penga ipinjali ena tre killok tirim kene kolea kelepa pa tirim.

Matthew 27:54

[Rom] ami-yi wan-andret nukurum yili kene, yu-kene wasie Yesos tirim mele tápu-teku nokuku muluring ami-yima kene, enini pali ma jim-jim tepa ulu lupa-lupama wendu urum mele kanuku kene enini aima mini-wale munduku kene niku mele: “Yi ili yu aima sika Pulu Yili-nga Málale lam.” niring.

Matthew 28:2

Auliele-nga mulú-koleana angkella te mana-mania urum kene male jim-jim aima tondulu lakupa tirim. Angkellale-ni omba ku-muruna pupa ku-muru keri-puléle pipi siring kuli wendu liipa perele-marele memba pupa nosupa akuna ola mulurum.

Mark 15:33

[Yesos unji-perana ola we pipili] enale omba ai-tangili ena tuwallup killok tirim kene kolea pali sumbulú topa kene, penga ipinjali ena tre killok tirim kene kelepa tangurum.

Revelation 11:13

Olandu punglí puringli kene walsekale ma jim-jim tondulu mundupa tirim kene kolea-auliele oe topa engkaki pambusele-pipi-sepa tepa, oe tenga lku mélema pali topa kalurum. Ma jim-jim tirimele-ni yambu sepen tausen topa kunjurum kene yambu naa kolku we muluringma-ni lakuku pung-pungu niku mini-wale munduku mulú-koleana molemú Pulu Yili kape niku yunga bili paka tunjuring.

Revelation 16:18

Aku nirim kene kariyapa tepa, ung mare wendu omba, mulú gulu-gala nimba, ma jim-jim auli te tirim. Ma jim-jim tirim akili aima olandupa; ui yambuma pulu-pulu ma-koleana muluring kene aku-sipa te aima naa tirim.

Revelation 16:8

Angkella angere-sipale-ni yunga mingi ambulurumele memba pupa enána onde lirim kene Pulu Yili-ni ‘Enaliinga tepi tondulale-ni yambuma nupili.’ nirim.

Revelation 8:12

Angkella bikull ambolku angiliiringmanga angere-sipale-ni yunga bikull ambulurumele ung sirim kene enale kene kaliimbale kene kombukantupuma kene lupa-lupa yupuku-yupuku niku oe turing, oe te kis lepa súmbulu topa pa naa tirim, akiliinga tanguli oe topa yupuku tepa oe te kolea pa naa tepa, sumbulsuli oe topa yupuku tepa, oe te kolea pa naako tirim.

Revelation 8:5

Kanu-kene angkella kanili-ni paura-kiku kaluring plletele liipa, Pulu Yili mélema popu toku kaluring poluna tepi nurum tepi mare liipa plletna mundupa peka sipa kene mana topa mundurum kene mulú topa kolea kariyapa tepa ma-jim-jim tirim.