Revelation 18:4 - Bo-Ung NT

^4-5 Kanu-kene penga mulú-koleana ung te-lupa wendu urum piliirindu kene nimba mele: “Nanga yambuma, kolea akiliinga ulu-pulu-kísima lepa mulú-koleana ola olemú, kolea akili-ni tepa kis-sirim uluma Pulu Yili-ni piliipa molemáliinga eni kolea akili munduku kelku ulsu wai. ‘Yunga ulu-pulu-kis telemú akuma wasie tapú-topu naa teamili. Ulu-pulu-kis telemú akumanga Pulu Yili-ni buni simbama oliu-kene wasie naa liamili.’ niku wendu wai.

Revelation 18:4 Iomraidhean Croise

Matthew 23:30

Aku teku kene eni niku mele: “Oliu oliunga anda-kolepalima-kene molkemelanje enini Pulu Yili-ni “Ninjai!” nimba ung nimba sirimuma piliiku yambuma niku siring yima toku kunjuring kene oliunga anda-kolepali naa liipu tapunjupu enini naa tolkemela.” nilimele.

2 Corinthians 6:17

[Ya niker] akiliinga ‘Auliele-ni nimba mele: “[Ulsukundu-yambuma kene, we-mélema angnjiku kape niku popu tolemele yambuma kene,] enini-kene tiluna naa molku, munduku kelku puku kolea tenga-lupa molu-pai.” Isikiel 20:34,41 “Kalaru mululi mélema [ulsukundu-yambuma-ni angnjiku popu tolemele mélema] kene ulu-pulu-kis pelemú mélema kene kanuma naa ambolku, méle akuma-kene ulu te naa teai.” Asaya 52:11 “Naa ambulungí kene na-ni “Molamili wai.” nimbu eni yandu liimbu.” Jeremaya 32:38

1 Timothy 5:22

Nu-ni yi te liikunu ‘Pulu Yili-nga tápu-yi te mulupili.’ nikunu yu kíli-ni ambolkunu lkisikunu makó naa tui. Yima mimi-siku kanuku apurukunu kene makó tui. Makó tuni yi mare-ni penga ulu-pulu-kis tingí kene nu enini-kene bunima mingí akiliinga mimi-siku kanukunu tápu-yima makó tui. Ulu kaíma mendepulu teku, Pulu Yili-ni ‘ulu kake tílima.’ nimba kanolemú uluma teku, numanu liiku mundukunu mului.

2 John 1:11

Yambu te-ni “Nu okunuye?” nimba ki liipa “Papu okonu.” nimbá yambale ombá yambale-ni tepa kis-sipa molumba yambale liipa tapunjupa yu wasie telembele.