Revelation 12:12 - Bo-Ung NT

¹² Akiliinga, nu mulú-koleale kene akuna molemele yambuma kene eni numanu sangi. Akiliinga-pe nu male kene nu numú-kusale kene [kurumanga nuim] depollale else muluringlina mania purumeliinga else-kene buni auli te wendu um. ‘Pulu Yili-ni yu kamu topa mundumba enale nondupa wendu ombá.’ nimba piliipa yu lakupa arerembi kolupa molemú.” nirim.

Revelation 12:12 Iomraidhean Croise

Luke 15:10

“Na-ni eni nimbu siker: “Ambu kanili numanu silka akili mele aku-sipa ulu-pulu-kis tili yambu te yunga ulu-pulu-kis telemúma piliipa kis piliipa mundupa kelepa numanu topele tombá kene Pulu Yili-nga angkellama-ni numanu singí.” niker.” nirim.

Luke 2:14

“Mulú-Koleana Aima Olandupa Pulu Yili-nga bili aima ola mulupili. Mana-yambu yu-ni kanupa kaí piliilimú yambuma, numanu waengu nipili molangi.” niring.

Hebrews 10:37

Ung te piliipu kene aku-sipu niker. Ung akili i-sipa mele: ‘Ena koltale mindi omba pumba kene “Ombú.” nirim yili sika ombá. Yu enaliinga lkisipa ombá. Asaya 26:20-21

2 Peter 3:8

Nanga numanu monjuliu yambuma, ulu tiluele liiku apera naa sai. Auliele-ni piliipa kene, punie tausen tilu ena tilu mele piliipa, ena tiluele punie tausen tilu mele piliipa molemú kanili liiku apera naa sai.

Revelation 10:6

Taki-taki molupa mindi pulimú yili-ni mulúma tepa akuna méle lelemúma tepa, male tepa mana mélema tepa, numú-kusale tepa akuna molemele mélema tirim yi akiliinga bi lepa mi lepa kene nimba mele: “Pulu Yili-ni “Tembu.” nirim uluma kamu temba enale wendu okum.

Revelation 11:10

Mana mulungí yambuma-ni elsengla ónusele kanuku kene numanu siku, langi koyoku noku, eninga pulu lelemú yambuma mélema we siku mundungí. Yi kanusele-ni mana mulungí yambuma ui mindili liikulu singléliinga aku-siku tingí.

Revelation 11:14

Ulu buni tale-sipale pora nim; yupuku-sipale nondupa wendu ombá tekem.

Revelation 12:9

Drekon auli tondulu akili yu kórunga-ui mulurum wambiyele; yu “[kurumanga nuim] depollale” niku; yu “Seten” nilimele yili; yu mana-yambuma pali kundi topa ‘Lu liiku kupulanum tenga-lupa pangi.’ nilimú yili. Kanili toku mana mania munduring, yu kene yu lumbili anduring angkellama kene toku mana mania munduring.

Revelation 13:6

Yu pulu monjupa Pulu Yili marake tepa yunga bili kene yu mulurum koleale kene mulú-koleana muluring yambuma kene ung-taka tunjurum.

Revelation 18:20

Mulú-koleana molemele yambuma kene, Pulu Yili-nga yambuma kene, Krais-ni “Nanga kongunale tenji-pai.” nimba liipa mundurum yima kene, Pulu Yili-ni “I-siku niku si-pai.” nirim ungma piliiku yambuma niku siring yambuma kene, kolea ili-ni eni mindili liipa sipa tepa kis-sirimeliinga Pulu Yili-ni apurupa kene yu mindili liipa sipa tepa kis-sikimeliinga yu lepa kis-silimáliinga numanu auli-teku sai!” nirim.

Revelation 8:13

Na kanupu mulurundu kene kera dowa te mulúna ola buru nimba andupa kene tondulu nangale topa kene nimba mele: “Mana molemele yambuma kene aima buni auli mare wendu ombá, aima buni auli mare wendu ombá, aima buni auli mare wendu ombá. Angkella yupuku eninga bikull ung naa sili we ambolku angiliimilima ung singí kene mini-wale mundungí kene buni aima auli mare wendu ombá.” nirim.

Revelation 9:12

[Kera dowa-ni “Buni yupuku wendu ombá.” nirimaliinga] buni te i pora nirim. Tale we pirim-sele penga wendu ombá tirim.