Philippians 3:7 - Bo-Ung NT

⁷ Akiliinga-pe ekupu Krais-nga yili molupu yu lumbili pupu kongun tenjimbundu [Krais na mulurunduna naa upili] ui molupu tirindu mele kene [aima olandupa liipa tapunjupa tepa liilka uluma] ‘Tondulu te naa pelemú. Ulu te mólu. [Aku-sipu tepu mulurundu uluma Pulu Yili-ni kanupa kaí piliimba ulu te naa pelemú.]’ nimbu piliiliu.

Philippians 3:7 Iomraidhean Croise

Matthew 16:26

[Akili nambimuna nikerye?] Yambu te-ni ma-koleana mélema pali yu-yunu liipa nosulka kene yu mini pali Pulu Yili naa molumba koleana pupa mindili nomba molupa kis-silkanje méle kanuma-ni yambu kanili nambi-sipa tepa liilkanje? Manda tepa naa liilkale. Mola yambu te-ni ‘Na mini-kangi pali kona molupu konjupu mindi pambu.’ nimba kene yu nambulka méle te-ni mini-kangi pali kona molupa konjupa mindi puli ulu-pulele taropu topa liilkaye? Méle te-ni kapula taropu topa naa liimba.

Mark 10:50

Yunu lkisipa wale-pakuli olandu pakurumele posupa nosupa ola angiliipa Yesos mulurumna urum.

Luke 14:26

“Yambu te-ni na lumbili ombándu na lakupa numanu naa munjum yambale na lumbili kapula naa ombá. Yunga lapa kene, anum kene, min kene, kangambulama kene, anginipilima kene, kimulupili kene, yu-ni yunu kepe, enini pali lakupa numanu monjupa, na mindi numanu naa monjupaliinga na lumbili kapula naa ombá.

Luke 14:33

[Ung-ekusele topa pora sipaliinga penga ung-ekuselenga yi tale-ni telkembela mele akiliinga ung-pulele enini nimba sipaliinga nimba mele:] “[Yi kanusele-ni telkembela] aku-sipa mele eninga yambu te yunu-ni ‘Na lumbili ombu.’ nimbaliinga yunga mélema pali kene, yunga yambuma kene, yunga ku-monima kene, yunga kangiele kene, méle akuma mindi numanu monjupa na lakupa numanu naa monjulemú yambale na lumbili kapula naa ombá.” [nirim.]

Luke 16:8

Yunu aku-sipa tirimele piliipaliinga yi-kamako auliele-ni tepa kis-sili yi kanili yunu kape nirim. Yunga mélema sika wa-mele liipaliinga tepa kis-sirim akiliinga-pe yunga piliipa kungnjuliele aima lakupa pirim piliipaliinga yunu kape nirim. “Ya mana molku, Pulu Yili numanu naa monjulemele yambuma, eninga piliipa kungnjuliele aima ola-kilia; pa tílina molku Pulu Yili numanu monjulemele yambuma eninga piliipa kungnjuliele mania-kilia. We-yambuma-ni yambu te kene ku-moni kongun tinjingíndu, mola ulu te tinjingíndu kupulanumele sumbi-siku kanuku akisiku konjulemele; pa tílina molemele yambuma aku-sipa tondulale mania-kilia pelemú. We-yambuma aku-siku molemeláliinga [yi-auliele-ni tepa kis-sili yili aku-sipa kape nirim.]” [nimba Yesos-ni nirim.]

Acts 27:38

Enini langi nuring olu tirim kene rais-wit wale we lirim-ma ‘Sipele buni naa tipili.’ niku nona toku munduku kiliring.

Hebrews 11:26

Yu-ni numanale-ni piliipa kene ‘Isip-koleana méle lupa-lupa pulele kaíma nanga nosilkanje ulu te mólu.’ nimba piliipaliinga ‘Pulu Yili-ni “méle kaí simbu.” nirim mélema penga liimbu.’ nimba piliipaliinga, ‘Pulu Yili-ni “‘Nanga yambuma nokupa konjumba.’ nimbu liipu mundumbu.” nimba makó turum yi-nuim Kraisele mindili singí nombá mele na aku-sipu mindili nombú kene aima kaí.’ nimba piliipa mulurum.