Philemon 1:13 - Bo-Ung NT

¹³ Na-ni temani-kaiéle topu silsiliipu andurundeliinga na liiku ka siring kene ka-lkuna peliáliinga Onesimas-ni nunga alko topa “Na liiku tapunjukunu ka-lkuna nokani mului.” nilka

Philemon 1:13 Iomraidhean Croise

1 Corinthians 16:17

Stepanas kene Potunatas kene Akaikas kene enini na mulurunduna uring kene numanu sirindu. Eni [Korin-yambuma] ‘Na kanupu liipu tapunjupu nokamili.’ niku naa olemele akiliinga-pe eninga yi yupuku ima oku ‘eninga’ niku na liiku tapunjuku nukuringeliinga numanu sirindu.

Ephesians 3:1

[Krais-ni ‘yambu-lupama kene Juda-yambuma kene wasie Pulu Yili-nga yambuma molangi.’ nimba aku-sipa yambu-talape tale liipa tere linjirim] akiliinga na Poll [Pulu Yili-kene popu topu ung nimbu eninga mawa tenjiliu]. Eni we-yambu-lupama liipu tapunjuliáliinga na ka-lkuna pili yili molupu kene, [eninga mawa tenjiliu].

Ephesians 4:1

Akiliinga, na Auliele-nga kongun tirindeliinga ka-lkuna pepu moliu yili, na-ni tondulu mundupu eni ung-mani sipu kene nimbu mele: Pulu Yili-ni enindu ‘Eni nanga yambuma molku nanga kongunale tenjangi wangi.’ nimba makó turum kilia oku yunga yambuma muluring mele molemeláliinga yu-ni kanupa kaí piliilimú uluma teku molai.

Philippians 1:7

Nanga numanale-ni eni piliipu andupu moliáliinga na eni pali numanuna piliiliu mele kapula piliiliu. Na ka-lkuna peliu kene kepe, temani-kaiéle topu sipu “Yu aima sika temanele yambuma aima piliiku liangi.” nilsiliipu andurundu kene kepe, eni na liiku tapunjulemele-na na kene eni kene oliu Pulu Yili-ni we kondu kolupa liipa tapunjilimú.

Philemon 1:1

Na Poll, Krais Yesos-nga kongun tenjiliáliinga ka-lkuna peliu yili, na kene oliunga angin Timoti wasie molupulu kene pepá ili topu siker. Olsunga aima pulu lelemú yi Pillimon, tapú-topu kongun telemulu yili, nu kene, oliunga kimulu Apia kene, oliu wasie tapú-topu ele tili yi Akipas kene, Krais-nga yambu-talape Pillimon nunga lkuna máku tolemele yambuma kene, eni pepá ili topu siker.

Philemon 1:10

nanga málu Onesimas-nga mawa tenjipu kene “[Pillimon] nu-ni [Onesimas] yu tekunu konjani.” niker. Na [Poll] ka-lkuna pepu [Onesimas] yu ungma nimbu sirindu kene yu [numanu topele topa] ‘Sika’ nimba tondulu mundupa piliipa [Krais-nga yili] mulurum mele molemáliinga ekupu yu nanga málu [mele], na yunga lapale moliu.

Philemon 1:12

Ekupu yu nu molluna “Kelkunu pui.” niker akiliinga-pe okum kene na aima numanu buni tekem.