Matthew 9:35 - Bo-Ung NT

³⁵ Yesos kolea-aulimanga kene, kolea-kelúmanga kene pelsiliipa andupa kene, Juda-yambuma máku toku Pulu Yili-nga ungele piliiring lkumanga lkundu pupa ung-bo tonjupa; Pulu Yili yi nuim king molupa yambuma nokulemú nokumba ung-pulumanga temani kaíma topa sipa; kuru lupa-lupama turum yambuma tepa kaí tirim-ko.

Matthew 9:35 Iomraidhean Croise

Matthew 10:1

Yesos-ni yunga lumbili anduli yi engkaki-rurepundu “Yandu wai.” nimba kene enini yambumanga numanuna kuru molemúma “Oku wendu pai.” niku toku makurungí tondulale sipa kene, yambu kuru túlima kene kangiele pang-mangi tílima kene “Kaí molangi.” ningí tondulale sirim.

Matthew 11:1

Yesos-ni yunga lumbili anduli yi rurepundu yunga kongunale tinjingí mele mani sipa pora sipa kene, yu kolea kanili mundupa kelepa kolea Gallalli distrik taon-manga andupa ung-mani sipa, ung-bo tonjupa, [Pulu Yili-nga] ungele nimba sirim.

Matthew 11:5

Mong kis lili yambuma mongale-ni kanuku, kimbu kis lili yambuma kapula anduku, kuru-laká núlima bo-kangi angiliipa, kum sílima kumele-ni ung piliiku, kolupa lílima lomburuku ola molemeleko, korupa púlima temani kaiéle topu siliu piliilimiliko kanili. Aku-siku Jon-ndu niku sai.

Mark 1:14

Kanu-kene [No-Liinjili] Jon ka siku ka-lkuna panjiringele piliipa kene Yesos kelepa kolea Gallalli distrik omba Pulu Yili-nga temani-kaiéle topa silsiliipa andurum.

Mark 6:56

Yu andurum koleamanga pali, kolea-kelúmanga kene, kolea-aulimanga kene, kolea wemanga kene, kolea akumanga yambuma máku toku muluring koleamanga kuru turum yambuma meku oku nosuku kene, “‘Nunga wale-pakuli pundele kepe ambolangi.’ ni.” niku mawa tiring. Kanu-kene kuru turum yambuma-ni yunga wale-pakuliele ambuluring yambuma pali kamu kaí muluring.

Mark 6:6

Yu [ung nimba uluma tepa mulurum mele] ‘Sika’ niku tondulu munduku naa piliiringeliinga yu aima numanu pulele kimbú sirim. Kanu-kene Yesos kolea-kelú lupa-lupamanga andupa kene [Pulu Yili-nga ungele] mani sipa ung-bo tunjulsiliipa andurum.

Luke 13:22

Aku-sipa nimbaliinga penga Yesos kolea-auli Jerusallem pulimú kupulanum-na pumba ombaliinga kolea-aulimanga kene kelúmanga kene, akumanga pali muluring yambuma ung-mani sirim.

Acts 10:38

Kopungu-wel te pengí imuna onde leku kanjiring mele Pulu Yili yunga kongunale tembandu Pulu Yili-ni kolea Nasaret yi Yesos Mini Kake Tiliele sipa Yesos ‘Tondulu pupili.’ nirim. Kanu-kene Pulu Yili Yesos-kene mulurum kilia Yesos koleamanga andupaliinga ulu kaíma tepa, [kurumanga nuim] depollale-ni ambulurum yambuma “Kaí molangi.” nirim. [Akili eni piliiku pora silimele.]

Acts 2:22

“Eni Isrel-yambuma, eni ung nimbú teker ili piliai. ‘Kolea Nasaret yi Yesos ‘Yunu sika Pulu Yili-ni makó topa liipa mundurum.’ niku kanangi.’ nimba Pulu Yili-ni yunu liipa tapunjurum kene eni muluringna yambuma liipa ora sirim ulu-tonduluma tirim. Akili eni kanuku piliiring.