Matthew 9:23 - Bo-Ung NT

²³ Kanu-kene Yesos [Juda-yambuma máku toku Pulu Yili-nga ungele piliiring lkuli] nukuli yilinga lkuna lkundu omba kene yambu pulele molku kondu kolku, kulap-mingi languku, kola lakuku teku muluring kanupa kene yu-ni nimba mele:

Matthew 9:23 Iomraidhean Croise

Matthew 11:17

“Konana nímulu kene eni ‘Wasie konana niamili.’ naa niku “Mólu.” níngi. Pe kelepu kola tímulu kene eni ‘Wasie kola teamili.’ ni naa níngi. [Wasie pepi perepu molomulú kupulanum te mólu lam.]” nilimele. [Ekupu molemele yambuma enini kangambula kanuma mele molemele.]

Luke 7:32

Enini yambuma máku tolemele koleana kangambulama pepi pereku molemele mele. Kangambula kanumanga mare-ni ne anju molemele kangambula mare [kene wasie pepi pereku mulungí kupulanum te koruku kelku kene] eninindu walsiku kene niku mele: “Konana nímulu kene eni ‘Wasie konana niamili.’ naa niku “Mólu.” níngi. Penga kelepu kola tímulu kene eni ‘Wasie kola teamili.’ ni naa níngi. [Wasie pepi perepu molomulú kupulanum te mólu lam.]” nilimele. [Ekupu molemele yambuma eni kangambula kanuma mele molemele.]

Acts 20:10

Poll-ni mania pupa yi-ónale lirim akuna omba tamalu pepa kanglupaliinga eninindu nimba mele: “Eni mini-wale naa mundai. Yu we kona molemú.” nirim.

Acts 9:39

Pita elsele-kene wasie purum. Yunu lkuna purum kanuku kene enini yunu lku-suluminana meku puring. Ambu-wayema Pita angiliirimna nondupa oku poku teku angiliiku kola teku kene, Dokas yunu-ni kona molupaliinga eninga mulumbale tinjirim-ma oku liiku ora siring.

Revelation 18:22

Gita toku, kulap-mingi languku, bikull ung siku, konana niku, aku-siku ulu telemele ungma alsuku kam-kamu naa piliingí. Lku takuku méle teku mimi telemele kongunumanga yambuma alsuku kam-kamu naa kanungíko. ‘Pllawa teamili.’ niku ku auli te-ni rais-wit kalia lelemele kene ung nilimú ungele alsupa kam-kamu naa nimbá naa piliingí.