Matthew 5:42 - Bo-Ung NT

⁴² “Méle te si.” nimba mawa temba yambale mawa temba mélale we si. “Ku-moni te pundu monjukunu si.” nimbá yambale “Mólu.” naa ni.” [nirim.]

Matthew 5:42 Iomraidhean Croise

Matthew 5:41

[Rom-ami-]yi te-ni nu ambulupa kene “Nu-ni na liiku tapunjukunu makó tenga [nanga mélema menjani] pambili.” nimbá kene makó tenga wasie yu we liiku tapunjukunu mélema menjikunu pui.

Luke 11:41

Eni numanu topele toku kene yambu-korupama kondu kolku eninga méle nosulimelema singí kene eninga numanu kalaru molemále alko topa kake tipili mulungí mele yambuma-ni kanungí.” [nirim.]

Romans 12:20

Aku-siku aima naa teku kene [Pulu Yili-nga bukna nilimú mele teai. Akili-ni nimba mele]: “Nunga ele-tu yambale engle-ni kolumba kene ga si. ‘No waka lekem.’ nimbá kene no kolkunu si. Aku tiní kene nu-kene tepa kis-simba ulu kanuma piliipa kene pipili kolumba.” Ung-Tondulu Kelúma 25:21-22, Wendu Uring 23:4-5 [nilimú mele teai.]

Hebrews 13:16

[‘Pulu Yili popu tamili.’ niku kene i-siku mele teangiko:] ‘Yambuma tepu konjamili.’ niku liiku tapunjuku, méle mólu tomba yambuma eninga méle mare moke teku sangi. Pulu Yili popu tungíndu aku-siku telemele uluma yu-ni kanupa kaí piliipa numanu silimú akiliinga apera naa siku aku-siku teku molai.

Hebrews 6:10

Pulu Yili-ni eninga uluma piliipa sundupa naa apurulimú. Ulu sumbi-nílima mindi telemú. Eninga kongun telemelema kene, eni Pulu Yili numanu munjingíndu yunga yambuma liiku tapunjulemele mele ekupu kepe taki-taki telemele uluma kene, kanupa kis piliipa mundupa naa kelelemú. [Piliipa mindi molemú.]

James 1:27

Oliu-ni ‘Pulu Yili-nga yambuma molupu yu popu topu kape niamili.’ nimulú yambuma-ni oliunga Lapa Pulu Yili-ni ulu kake tepa kalaru naa molemú nimba piliilimú uluma temulú mele i-sipa: Anupili lapalii kolemele kangambula-kulúmuluma kene, ambu-wayema kene, mindili siku bunima wendu upili molemelema ‘aku-siku naa molangi.’ niku nokuku, ‘Mana-yambuma-ni ulu-pulu-kísima telemele mele naa tingí. Ulu-pulu-kis kanuma-ni oliu ulu te naa tepa, oliu kalaru te naa munjupili.’ niku molku konjulemele. [Aku telemele yambuma oliunga Lapa Pulu Yili-ni ‘yambu sumbi-nílima molemele.’ nimba kanolemú.]