Matthew 4:8 - Bo-Ung NT

⁸ Alsupa depollale-ni yu liipa ma-pangí te aima ola-kilia lirimna memba ola pupa monjupa kene, yu ma-koleama pali kene koleamanga méle kaíma wasie liipa ora sipa kene

Matthew 4:8 Iomraidhean Croise

Matthew 16:26

[Akili nambimuna nikerye?] Yambu te-ni ma-koleana mélema pali yu-yunu liipa nosulka kene yu mini pali Pulu Yili naa molumba koleana pupa mindili nomba molupa kis-silkanje méle kanuma-ni yambu kanili nambi-sipa tepa liilkanje? Manda tepa naa liilkale. Mola yambu te-ni ‘Na mini-kangi pali kona molupu konjupu mindi pambu.’ nimba kene yu nambulka méle te-ni mini-kangi pali kona molupa konjupa mindi puli ulu-pulele taropu topa liilkaye? Méle te-ni kapula taropu topa naa liimba.

Matthew 4:5

Kanu-kene depollale-ni Yesos liipa kolea-auli Jerusallem, akilindu ‘kolea-auli kake tili’ niliele, akuna memba pupa, Pulu Yili popu toku kaluring lku-temboll imuna memba, aima ola pupa monjupa kene,

John 5:20

Nambimuna, Lapale-ni Málale numanu monjupaliinga yu-ni telemú mele pali Málale liipa ora silimú. Yi tepa kaí tímu akili mandupa. Aima sika penga eni aima kanuku numanu pulele liiku mundungí ulu-tondulu olandupama Lapale-ni Málale liipa ora simba.

1 Peter 1:24

[Ung akili pora naa nilimú mele ung te Pulu Yili-nga bukna molemú,] akili i-sipa mele: ‘Yambuma pali era mele, enini molku konjulemele pllawa-kuku mele. Erama kolemú kene pllawa-kukuma olé lepa mana mania pulimú akiliinga-pe Auliele-nga ungele taki-taki lepa mindi pulimú pumba.’ Asaya 40:6-8 [nimba aku-sipa molemú.] Ung akili eni temani-kaiéle toku siring ung kanili.

Revelation 11:15

Kanu-kene penga angkella angere yupuku-guli-ni bikullma ambuluringimanga angere yupuku-guli sipale-ni yunga bikullele ung sirim kene mulú-koleana [yambu-]pulele-ni ung te tondulu munduku wendu oku kene niku mele: “‘Ma-koleale nanga.’ nimba ui nokupa yi nuim king auliele mulurumeliinga alko topa, oliunga Auli [Pulu Yili] kene yu-ni ‘Yambuma nokupa konjumba yi te liipu mundumbu.’ nimba makó turum yi-nuim Kraisele kene elsele-ni ‘Ekupu olsunga.’ nikulu elsele kam-kamu kingsele molkulu nokukulu mindi molku punglí.” nirim.