Matthew 25:14 - Bo-Ung NT

¹⁴ [Aku-sipa nimba kene Yesos-ni ung-eku te wasie topa kene nimba mele:] “[Pulu Yili-ni yi nuim kingele molupa yambuma nokulemú akili] i-sipa meleko: “Yi te kolea tenga-lupa pupa molumbandu yunga kendemande-yima “Wai.” nimba yunga mélema “Nokunjai.” nimba kene,

Matthew 25:14 Iomraidhean Croise

Matthew 21:33

[Aku nimba kene Yesos-ni yi-auli kanumandu alsupa nimba mele:] “Ung-eku te wasie tambu piliai: “Kolea pulu yi te-ni unji-waen punie tepa kene pala tirim. Puniena sukundu luikolu ukupa no-waen kingí tepa monjumbandu tepa mimi tepa kene pe punie nukungí lku-takae te polu kulupa ola takurum. Yi mare kanupa liipa kene eninindu nimba mele: “Nanga puniele tápu tenjiku unji-monguma lkeku nokunjangi. Penga unji-waen-mong polu tomba kene unji-monguma moke tepu, kongun tinjingí méle mare eni liangi mare na liambu.” nimba punie kanili enini sipa kene yu kolea [sulu] tenga pupa mulurum.

Mark 13:34

Yunu ombá enale i-sipa mele: Yi te kolea marenga ena mare molumba pumba telemú kene yunga koleale mundupa kelimbandu yunga kendemande-yimandu “Nanga koleale nokunjai.” nimba kene yunga kongunale tinjingí mele enini lupa-lupa moke tepa sipa kene lku-keripulu nokulemú yilindu “Na walse ombú kaniliinga nokuku mului.” nimba kene pulimú.

Luke 20:9

Kanu-kene liiku máku toku muluring yambumandu Yesos-ni ung-eku ili topa kene nimba mele: “Yi te-ni unji-waen punie tirim. Yi mare kanupa liipa kene eninindu nimba mele: “Nanga puniele tápu tenjiku unji-monguma lkeku nokunjangi. Penga waen-mong polu tomba kene monguma moke tepu, kongun tinjingí mele mare eni liangi, mare na liimbú.” nimba punie kanili enini sipa kene yunu kolea [sulu] tenga pupa akuna wale pulele mulurum.

1 Corinthians 12:4

Minéle-nga we silimú tondulu lupa-lupama pelemú akiliinga-pe silimú Mini tiluele mindi.

1 Corinthians 3:5

[Apollos kene Poll-sele nambimuna aprale teku tombulku nilimeleye?] Apollos naeye? Poll naeye? Apollos olsu Auliele-nga kendemande-yisele mindi. Auliele-ni kongun lupa-lupa sirim yisele molupulu kene, kongun akili tirimbuleliinga eni “Krais sika.” niku tondulu munduku piliiring kupulanumele akisinjirimbulu yisele mindi molembulu.

Ephesians 4:11

Yi kanili-ni mindi [mana-]yambuma tonduluma moke tepa we sirim. Yambu mare “Nanga kongunale tenji-pai.” nimba liipa mundumbandu enini kongun akili tingí tondulale sipa, mare makó topa yu-ni “Ninjai!” nimba ung nimba simbama piliiku yambuma niku singí tondulale sipa, mare makó topa temani-kaiéle toku silsiliiku andungí tondulale sipa, mare Krais-nga yambu-talapemanga tápu-yima molku [Pulu Yili-ni kanupa kaí piliimba mele] ung-bo tunjingíma makó topa aku tingí tondulale sirim.