Matthew 23:25 - Bo-Ung NT

²⁵ “Eni ung-manimanga puluma piliiku ung-bo tonjuku mani silimele yima kene Perisi-yima kene, eni mindili noku aima molku kis-singí! Eni topele-mapele tuli yima! Pllet kapmanga ulsukundu lumaye toku konjulemele akiliinga-pe akumanga sukundu langi pelemúma eni tondulu munduku wa liiku, eni-enini waka kolku eni-enini numanu kimbu-siku liilimele uluma.

Matthew 23:25 Iomraidhean Croise

Matthew 14:8

Erot-ni nirim mele piliipa kene [ambu-wenipale-ni anum walsipa piliirim kene] anumu-ni ung te nimba sirim piliipa kene yunu-ni Erot-ndu nimba mele: “No-Liinjili Jon-nga [numiele kari lekunu yunga] pengale dis tenga nosukunu yandu si.” nirim. [Jon-ni ui taki-taki “Erot kene Erodias-seleni teku kis-siringli.” nirimaliinga arerembi kolupa kene Erodias-ni ‘Yu kulupili. Sika kulumnje na kanambu.’ nimba “Pengale meku okunu si.” nirim.]

Philippians 2:6

Krais Yesos yu tirimele i-sipa mele: Yu Pulu Yili mulurum mele mulurum akiliinga-pe ‘Pulu Yili moliu mele kamu molambu.’ ni naa nirim.