Matthew 22:42 - Bo-Ung NT

⁴² “Pulu Yili-ni “Enini nokupa konjumba yi te liipu mundumbu.” nimba ui makó turum yi-nuim Kraisele-ndu eni nambulka niku piliikimiliye? Yu nae? Yu nae-ni kalupa liimba niku piliilimiliye?” nirim kene enini niku mele: “[Yi-nuim Kraisele yu yi nuim king] Depit-ni kalupa liimba yi te.” niring.

Matthew 22:42 Iomraidhean Croise

Matthew 1:1

[Isrel-yambumanga ui-pulu-pulu anda-kolepa] Eprayam kene penga yandupa [eninga yi nuim king auli] Depit kene elsele-ni Yesos Krais kalku liiringli mele i-sipa:

Matthew 14:33

Aku tirimeliinga kanuku kene sipna suku muluring yima-ni Yesos-nga bili paka tonjuku kape niku “Nu aima sika Pulu Yili-nga Málale lam.” niring.

Matthew 21:9

Kumbi-leku puring yambuma-ni kepe aeleku puring yambuma-ni kepe unji ambululiiku puku kene niku mele: “[Yi Nuim King] Depit-ni Kalupa Liirim Yili ‘Bi ola mulupili.’ niamili. Pulu Yi Yawe-ni liipa mundurum-na yunga kongunale tenjimba okum yili molupa kunjupili. Konana 118:26 ekendu Mulú-koleana ola yunga bi ola pípili.” nilsiliiku puring.

Matthew 22:43

Yu-ni alsupa enini walsipa nimba mele: “Aku lem [Pulu Yili-nga] Minéle Depit-nga numanuna molupa kene ung te nirim kene Depit-ni piliipaliinga yi-nuim Kraisele-ndu “Auliele” nirim akili nambimuna nirim niku piliikimiliye? Depit yu-ni [yi-nuim Kraisele molumba mele] i-sipa nirim:

Matthew 9:27

Yesos kolea kanili mundupa kelepa pumba purum kene mong kis lirim yi tale yu lumbili oku walsikulu kene nikulu mele: “[Yi Nuim King] Depit-ni Kalupa Liirim Yili, nu olsu kondu kului.” nikulu wale pulele nikulu walsiliiku uringli.

John 1:49

Aku nirim kene Nataniel-ni tondulu mundupa nimba mele: “Rapai, nu Pulu Yili-nga Málale, oliu Isrel-yambumanga yi nuim kingele.” nirim.

John 20:28

Tomas-ni yundu nimba mele: “Nanga Auliele, nanga Pulu Yili.” nirim.

Colossians 3:11

[Pulu Yili-ni yu-yunu yambu konama wasie pali tepa mimi telemáliinga] oliu yambu konama mele molemulu yambuma tilu-sipu molemulu. Juda-yambu naa molemelema lupa, Juda-yambuma lupa mólu; yambu kangi te kupsili yambuma lupa, kangi te naa kupsili yambuma lupa mólu-ko; kewa-yambuma lupa, bo-yambuma lupa mólu-ko; [yambu-kamakoma lupa, yambu-korupama lupa mólu-ko;] méle kaluliele naa liiku kongun we tinjili kendemande-yambuma lupa, we molemele yambuma lupa mólu-ko. Krais yu oliunga pali olandupa molemú; yu oliunga pali numanuna molemú, akiliinga oliu yambu lupa-lupa kapula apurupu naa nimbu naa kanomulú. Oliu pali tilu-sipu molemulu.