Matthew 22:21 - Bo-Ung NT

²¹ Enini yunundu niku mele: “Rom-Gapman-Yi Aima Auli Kumbina Sisale-nga kumbi-kerale kene bili kene molemú.” niring. Kanu-kene yu-ni eninindu nimba mele: “[Ku-monele Sisale-nga] akiliinga Sisale-nga mélema Sisale yunu siku, Pulu Yili-nga mélema Pulu Yili yunu sai.” nirim.

Matthew 22:21 Iomraidhean Croise

Matthew 22:20

Kanu-kene Yesos-ni eninindu nimba mele: “Ku-moni ilinga naenga kumbi-kerale kene bili kene molemúye?” nirim.

Matthew 22:37

Yesos-ni yunundu nimba mele: “Ung-mani olandupale i-sipa mele: ‘Eninga numanuma kene, eninga minima kene, eninga piliipa kungnjúlima kene, akuma-ni Auliele eninga Pulu Yili mendepulu tondulu munduku numanu monjai.’ Ung-Manima 6:5 aku nimba pelemú.

Matthew 4:10

Kanu-kene Yesos-ni yundu nimba mele: “Seten, nu anju pa! Pulu Yili-nga bukele-ni nimba mele: ‘Pulu Yili eninga Auliele mindi niku popu toku bi paka tonjuku, yunga kongunuma mindi tenjiku molai.’ Ung-Manima 6:13 nimba molemú kanili.” nirim.

Mark 12:17

Kanu-kene yu-ni eninindu nimba mele: “[Ku-monele Sisale-nga] akiliinga Sisale-nga mélema Sisale yunu siku, Pulu Yili-nga mélema Pulu Yili yunu sai.” nirim. Yu-ni aku-sipa [aima sumbi-sipa] nirim mele akili piliiku kene [‘Yu aima piliipa kungnjuli pelemú yili lam.’ niku piliiku kene] numanu pulele liiku munduring.

Luke 20:25

Enini yunundu niku mele: “Rom-Gapman-Yi Aima Auli Kumbina Sisale-nga [kumbi-kerale kene bili kene molemú].” niring. Kanu-kene yu-ni eninindu nimba mele: “[Ku-moni akili Sisale-nga ku-monele] akiliinga Sisale-nga mélema Sisale yunu siku, Pulu Yili-nga mélema Pulu Yili yunu sai.” nirim.

Luke 23:2

Yu kot tenjiku kene Paillet-ndu niku mele: “Yi ili-ni nimba mele: “Rom-gapmanale-ni oliu Juda-yambuma naa nukupili.” nimba, “Rom-Gapman-Yi Aima Auli Kumbina Sisale ku-moni-takis naa tai.” nimba, “Yu-yunu “Pulu Yili-ni oliu nokupa konjumba yi te liipu mundumbu.” nimba ui makó turum yi-nuim Kraisele, yi nuim kingele moliu.” nimba molemále oliu piliipu kanolemulu.” niring.

Acts 4:19

Akiliinga-pe Pita Jon-sele elsele-ni eninindu pundu toku nikulu mele: “Pulu Yili-ni olsu “Teale.” nilimú akili mele mundupu kelepulu, eni “Teale.” nikimili mele piliipu tímbulu lem Pulu Yili-ni kanupa kaí piliimbanje? Eni-enini piliai!

Acts 5:29

Pita kene, Yesos-ni liipa mundurum yi wema kene, enini eninindu pundu toku niku mele: “Yambuma-ni ‘Teai.’ nilimele mele oliu-ni piliipu liipu kapula naa temulú. Pulu Yili-ni ‘Teai.’ nilimú mele mindi piliipu liipu teng panjipu temulú.

Romans 13:7

Gapmanale-ni ung-mani sipa kene “Méle sai.” nilimú mélema sai. Ku-takis liilimele yambuma ku-takis toku sai. Méle liilimelemanga ku-takis pulimú mele kanili toku sangiko. Eni nokolemele yambuma-kene karaye naa teku ung ningíma táka-niku piliiku liiku ai-siku molai. Yambu te bi ola molemáliinga bili paka tonjangiko.