Matthew 21:28 - Bo-Ung NT

²⁸ [Yesos-ni alsupa Juda-yambu kanumanga yi-aulimandu nimba mele:] “Eni nambulka niku piliikimiliye? Yi te yunga kang tale muluringli. Yu pupa kang-komalendu nimba mele: “Kangale, ekupu nu unji-waen puniena pukunu kongun ti-pui.” nirim.

Matthew 21:28 Iomraidhean Croise

Matthew 17:25

Pita-ni “Tolemú.” nirim. Kanu-kene Pita lkuna lkundu pupa kene ung te nimbá tirim kene Yesos-ni yu ui walsipa kene nimba mele: “Saimon, nu nambulka niku piliikunuye? Yi nuim kingima-ni ku-moni-takis lupa-lupama liingíndu namelé “Tai.” nilimeleye? “Eninga yambuma kene ku-takis tai.” nilimele mola “Yambu-lupama kene ku-takis tai.” nilimeleye?” nirim.

Matthew 20:1

[Yesos-ni yunga lumbili anduli yimandu ung te wasie nimba mele:] “Niker ung akiliinga [ung te niambu]: Pulu Yili-ni yi nuim kingele molupa yambuma nokulemú akili i-sipa mele: “Walse punie pulu yi te-ni ‘Kongun tinjili yi mare yunga unji-waen puniena kongun tenjangi.’ nimba aima ipulam-ui pupa lii-purum.

Matthew 21:27

[Eni-enini aku-siku anju-yandu tombulku niku kene], Yesos-ndu pundu toku niku mele: “[Nu-ni walsikenu mele] oliu naa piliikumulu.” niring. Aku-siku niring kene piliipaliinga Yesos-ni eninindu nimba mele: “Kapula. [Na-ni eni walsiker ungeliinga ung te pundu toku naa nikimilieliinga] eni na walsikimili ungeliinga ung te pundu topu nandu kongunili ‘Ti-pui.’ nimba na liipa mundupa namba sirim yilinga bili eni naa nimbu simbuko.” [nirim.]

Matthew 21:29

“Yu-ni pundu topa lapandu “Mólu, na naa pumbu.” nirim, akiliinga-pe penga yunga numanu topele topa kene purum.

Matthew 21:33

[Aku nimba kene Yesos-ni yi-auli kanumandu alsupa nimba mele:] “Ung-eku te wasie tambu piliai: “Kolea pulu yi te-ni unji-waen punie tepa kene pala tirim. Puniena sukundu luikolu ukupa no-waen kingí tepa monjumbandu tepa mimi tepa kene pe punie nukungí lku-takae te polu kulupa ola takurum. Yi mare kanupa liipa kene eninindu nimba mele: “Nanga puniele tápu tenjiku unji-monguma lkeku nokunjangi. Penga unji-waen-mong polu tomba kene unji-monguma moke tepu, kongun tinjingí méle mare eni liangi mare na liambu.” nimba punie kanili enini sipa kene yu kolea [sulu] tenga pupa mulurum.

Matthew 22:17

Aku-siku nikunu molláliinga nu nambulka niku piliikunuye? Oliu-ni Rom-Gapman-Yi Aima Auli Kumbina Sisale ku-moni-takis túmulu lem kapula mola móluye? Pulu Yili-ni akilindu ung-mani sirim ung-manele nambulkale nimba pelemúye? Nikunu si.” niring.

Mark 13:34

Yunu ombá enale i-sipa mele: Yi te kolea marenga ena mare molumba pumba telemú kene yunga koleale mundupa kelimbandu yunga kendemande-yimandu “Nanga koleale nokunjai.” nimba kene yunga kongunale tinjingí mele enini lupa-lupa moke tepa sipa kene lku-keripulu nokulemú yilindu “Na walse ombú kaniliinga nokuku mului.” nimba kene pulimú.

Luke 13:4

Penga alsupa Yesos-ni temani te topa kene nimba mele: “Kolea-auli Jerusallem sukundu kolea-kelú Silloam ku-ni takuli lku auli ola-kilia te topa kalalu sipa topa mania mundupaliinga yambu supunga tale topa kunjurum kuluring. Yambu kanuma ‘Kolea-auli Jerusallem yambu-lupa muluringma-ni pali ulu-pulu-kis tiring akili mania-kilia, kuluring yambuma-ni ulu-pulu-kis tiring akili aima ola-kilia.’ niku piliikimiliye?

1 Corinthians 10:15

Na-ni numanu tondulu pelemú yambumandu nikereliinga niker mele eni-enini piliiku apurai.

1 Corinthians 15:58

Nanga numanu monjuliu angmene, [Krais-nga yambu kolemelema sika lomburuku ola molku kangi kona te-lupa angiliipili mulungí] akiliinga ‘Sika’ niku piliilimili mele munduku naa kelku, tondulu munduku piliiku mindi molai! Eni ulu buni te wendu ombá kene ‘Mundu-mong tekemulaliinga piliipu molemulu mele mania pupili mundupu kelamili.’ aima naa niangi! Eni Auliele-nga kongun mindili siku telemelale we mania naa pumba, [kongun kanili-ni langi-monguma sika tomba] akiliinga Auliele-nga kongunale mindi munduku naa kelku, tondulu munduku, teku molai.