Matthew 21:25 - Bo-Ung NT

²⁵ [Na-ni i-sipu eni walsipu piliiker:] Ui [No-Liinjili] Jon omba yambuma no liinjirim kene yunu mulú-koleana molemú yilinga kongunale tenjimbandu yambuma no liinjirim mola ya mana-yambumanga kongunale tenjimbandu yambuma no liinjirimuye? [Nae-ni “Ti.” nirim-na tirimuye? Niku sai.]” nirim. [Yu-ni aku-sipa walsurum mele piliiku kene] eni-enini tombulku niku kene niku mele: “Yu-ni walsikem mele oliu-ni pundu topu, “[Jon] yunga mulú-koleana [molemú yilinga kongunale tenjimbandu yambuma no liinjirim].” nímulu lem yu-ni oliundu nimba mele: “Aku lem eni Jon-ni nirim ungele nambimuna ‘Ung ili sika.’ niku naa piliiku liiringiye?” nimbá.

Matthew 21:25 Iomraidhean Croise

Matthew 16:7

Aku-sipa nirim kene piliiku yunga lumbili anduli yima-ni eni-enini tombulku kene niku mele: “Oliu pllawa kaluli [nomulú] mare naa liipu membu úmulaliinga nikem-nje.” niring.

Matthew 21:24

Yesos-ni eninindu pundu topa nimba mele: “Na-ni eni ung te walsipu piliimbuko. Pe na-ni eni walsimbu mele eni na sumbi-siku pundu toku níngi lem ‘Na kongun ili teambu.’ nimba namba sirimeliinga pulele eni nimbu simbuko.

Matthew 21:26

Mola oliu-ni nimbu mele: “Yu mana-yambumanga [kongun tenjimbandu yambuma no liinjirim].” nímulu lem we-yambuma-ni ‘oliu tungínje’ nimbu mundu-mong tenjikimulu. We-yambuma-ni ‘[No-Liinjili Jon] yunga aima sika Pulu Yili-ni “Ninjui!” nimba ung nimba sirimuma piliipa yambuma nimba sirim yi te mulurum.’ niku piliilimili akiliinga oliu nambi-temulúnje?” niku eni-enini aku-siku tombulku niring.

Luke 14:4

Akiliinga-pe yunundu ung te pundu toku naa nikuliinga we muluring. Kanu-kene yunu-ni yi kanili liipa tepa kaí tepa kene yunundu “Pui.” nirim.

Luke 20:5

[Yu-ni aku-sipa walsurum mele piliiku kene] eni-enini tombulku niku kene niku mele: “Yu-ni walsikim mele oliu-ni pundu topu, “[Jon] yunu mulú-koleana [molemú yilinga kongun tenjimbandu yambuma no liinjirim].” nímulu lem yu-ni oliundu nimba mele: “Aku lem eni Jon-ni nirim ungele nambimuna ‘Ung ili sika.’ niku naa piliiku liiringiye?” nimbá.

John 1:15

[Jon yambuma no liinjipa mulupili Yesos Pulu Yili-nga Ungele urum kene] Jon yu-ni yambuma yi kanili liipa ora sipa yu mulurum mele nimba sirim. Yu-ni nangale topa kene nimba mele: “Yi ili na-ni ui enindu “Nondupa ombá.” nimbu sirindu yi kanili ili. Na naa molambu yi ili yu kórunga-ui Pulu Yili-kene wasie mulurumeliinga “Yu yi-nuim auliele, na aima we korupale.” nirindu yi kanili ili.” nirim.

John 1:6

Yi te urumele Pulu Yili-ni liipa mundurum-na urum, yunga bili Jon. [Yu No-Liinjili Jon kanili.]

John 3:18

Yambu ‘Yu sika [Pulu Yili-nga Málale, oliunga nimba tinjirim yili].’ nimba tondulu mundupa piliipa molumba yambaliinga kot naa pemba. Akiliinga-pe yambu te-ni ‘Yu aku-sipa naa molemú. Nanga nimba ulu te naa tinjirim.’ nimba piliimba yambale, yunga kotele kórunga wendu okum. Yambu kanili-ni Pulu Yili-nga Málu tiluele mendepolu molemú kanilindu ‘Yu sika Pulu Yili-nga Málale mólu.’ nimba piliirim yambu kanili kot piliilimú yili-ni liipa kot tenjipa “Yu kulupili.” nimba kórunga-ui tinjirim.