Matthew 2:6 - Bo-Ung NT

⁶ “Betelliem, Juda koleana lelemú kolea te, yu kolea Juda sukundu kolea-aulimanga yu kolea kepe auli te-ko. Yunga sukundu yi-nuim auli te wendu ombá, yi akili-ni nanga Isrel-yambumanga kung-sipsip tápu-yili molupa enini nokumba.” Maika 5:2 nirim kanili.” niring.

Matthew 2:6 Iomraidhean Croise

Matthew 2:1

Erot yunu kolea Judia distrik yambumanga yi nuim kingele mulupili Maria-ni kolea Judia, Betelliem taon-na Yesos mirim. Ena kanumanga ena ola ulikundu piliipa kungnjuli pili yi mare taki-taki kombukantupuna ‘ulu-pulu mare wendu ombánje?’ niku mimi-siku kanuku muluring yima kolea-auli Jerusallem oku kene niku mele:

Matthew 28:18

Kanu-kene Yesos yu nondupa omba eninindu nimba mele: “Tata-ni nandu “Nu-nunu mulú-koleana mélema kene yambuma kene, ma-koleana mélema kene yambuma kene nokani.” nimba tondulale na sirim, na-kene pelemú.

John 21:16

Yesos-ni alsupa wale tale-sipa nimba mele: “Jon-málu Saimon, sika nu-ni na numanu monjullu mola móluye?” nirim. Pita-ni pundu topu nimba mele: “Auliele, sika na-ni nu numanu monjuliu kanollu.” nirim. Yesos-ni nimba mele: “Aku lem nu nanga kung-sipsipma tápu tinjui.” nirim.

Ephesians 1:22

Pulu Yili-ni ‘[Krais] yu mélemanga pali olandupale mulupili. Mélema pali yunga kimbele-ni kambiliipa mulupili.’ nirim. Aku nirimaliinga Krais yunga yambu-talapeliinga yu yi-auli olandupale molemúko.

Colossians 1:18

Krais-nga talapena-yambuma yunga kangiele; Krais yu kangieliinga pengale. Yu yunga kangiele kona molemáliinga ulu-pulele. Yu mélemanga pali kumbi-lepa molemú yili, ‘Yu mélemanga pali yi nukuli auliele mulupili.’ nimba [yu kulurum kene] Pulu Yili-ni yu topa suru sirim-na yu kumbi-lepa lomburupa ola mulurum yili molemú.

Hebrews 7:14

Oliu piliilimulu, oliunga Auliele [Isrele-nga málu] Juda-ni kalupa liirim, yambu akumanga ‘te Pulu Yili popu tunjuli yi te molumba.’ nimba Moses-ni ui naa nirim kanili.

Revelation 11:15

Kanu-kene penga angkella angere yupuku-guli-ni bikullma ambuluringimanga angere yupuku-guli sipale-ni yunga bikullele ung sirim kene mulú-koleana [yambu-]pulele-ni ung te tondulu munduku wendu oku kene niku mele: “‘Ma-koleale nanga.’ nimba ui nokupa yi nuim king auliele mulurumeliinga alko topa, oliunga Auli [Pulu Yili] kene yu-ni ‘Yambuma nokupa konjumba yi te liipu mundumbu.’ nimba makó turum yi-nuim Kraisele kene elsele-ni ‘Ekupu olsunga.’ nikulu elsele kam-kamu kingsele molkulu nokukulu mindi molku punglí.” nirim.

Revelation 2:27

Tata-ni na ‘Yambuma nokambu.’ nimba namba sirim mele yambu kanili simbu kene ‘Yu-ni yambu-talape kanuma tondulu mundupa nokumba. Ma-ni telemele mingima kimbulu-ni tondulu toku nurupalu tolemele mele yu-ni aku-sipa tondulu mundupa nokumba.’ Konana 2:9

Revelation 7:17

Sipsip-Walále yi nuim king poluna suku-singina molemále yu-ni ‘enini nanga sipsipma’ nimba enini tápu tembaliinga enini aku-siku kapula molku kunjingí. ‘Enini no nangi.’ nimba kona molupa mindi puli no pikilimúmanga memba pumba. Pulu Yili-ni ‘Enini alsuku kola naa teangi.’ nimba kolama pali kulu tonjumba.” nirim.