Matthew 16:14 - Bo-Ung NT

¹⁴ Enini yundu niku mele: “Mare-ni “Nu No-Liinjili Jon [kulurum, ekupu alsupa lomburupa ola molemú].” nilimele; mare-ni “Nu [Pulu Yili-ni ui kona mulupili olandu liirim yi] Illaija alsupa omba molemú.” nilimele; mare-ni nu “Jeremaya mola Pulu Yili-ni “Ninjui!” nimba ung nimba sirimuma piliipa yambuma nimba sirim yi [ui kulurum ekupu lomburupa ola molemú] te-lupa.” nilimele.” niring.

Matthew 16:14 Iomraidhean Croise

Matthew 14:2

yu-kene tapú-toku molku yu liiku tapunjuring tapú-yimandu nimba mele: “Ulu ima telemú yili No-Liinjili Jon lam! Yu kolupa kene lomburupa ola molupa úmeliinga ulu-tonduluma temba tondulale yu-kene pelemú.” nirim.

Matthew 16:15

Aku niring piliipaliinga Yesos-ni eninindu nimba mele: “[We-yambuma-ni aku-siku nilimele] akiliinga-pe eni-enini na nae nilimeleye?” nirim.

Matthew 17:10

Aku nirim-na piliiku kene yu lumbili andúlima-ni [yu sika mulurum mele niku kanuku kene] yunundu walsiku piliiku kene niku mele: “[Pulu Yili-ni ‘oliu nokupa konjumba yi te liipu mundumbu.’ nimba makó turum yi-nuim Kraisele nu lem] Pulu Yili-nga ung-manimanga puluma piliiku ung-bo tonjilimele yima-ni “Illaija [alsupa] kumbi-lepa ombá. [Yi-nuim Kraisele penga aelepa ombá.]” nilimele mele nambimuna nilimeleye? [Illaija alsupa naa upili nu kórunga urunu mollu kanili.]” niring.

Matthew 3:1

[Yesos Nasaret taon-na we mulupili] No-Liinjili Jon omba kolea Judia distrik sukundu kolea-wakana ele-ung nimba kene nimba mele:

Mark 6:15

Yambu mare-ni niku mele: “Yu [ui kona mulupili Pulu Yili-ni olandu liirim yi] Illaija alsupa omba molemú.” niring. Yambu mare-ni niku mele: “Pulu Yili-ni “Ninjai!” nimba ung nimba sirimuma piliiku yambuma niku siring yi kóru-ui muluring yima mele yu aku-sipa Pulu Yili-nga ungma piliipa yandu nimba silimú yili molemú.” niring.

Mark 8:28

Enini yunundu niku mele: “Mare-ni “Nu No-Liinjili Jon [kulurum kanili alsupa lomburupa ola molemú].” niku piliilimili; mare-ni “Nu [Pulu Yili-ni ui kona mulupili olandu liirim yi] Illaija alsupa omba molemú.” niku piliilimili; mare-ni “Nu Pulu Yili-ni “Ninjui!” nimba ung nimba sirimuma piliipa yambuma nimba sirim yi te [ui kulurum ekupu lomburupa ola molemú.]” niku piliilimili.” niring.

John 1:21

Enini “Nu yi kanili mólu lem nu naeye? Nu Pulu Yili-ni “Ninjui!” nimba ung nimba sirimuma piliipa yambuma nimba sirim yi Illaija, [yu kona mulupili Pulu Yili-ni ui olandu liirim akili] nu kelkunu únuye?” niku walsiku piliiring. Yu-ni “Na akili mólu.” nirim. Enini niku mele: “Aku lem ‘Pulu Yili-ni ye tendu “Ninjui!” nimba ung nimba simbama piliipa yambuma nimba simba yi te penga ombá.’ [ui niring yili] nuye?” niring. Yu-ni “Mólu.” nirim.

John 7:12

we-yambumanga pulele-ni yundu ólu-walu toku niku anduku muluring. Mare-ni niku mele: “Yu yi kaiéle.” niring. Akiliinga-pe mare-ni niku mele: “Yu yandupa yambuma gólu topa silimú.” niring.

John 9:17

Akiliinga, mong ui kis lirim yili alsuku walsiku kene niku mele: “Yi kanili-ni nunga mongale tepa kaí tinjim akiliinga yundu nu nambulka niku piliikunuye?” niring. Yili-ni pundu topa kene nimba mele: “Yu Pulu Yili-ni “Ninjui!” nimba ung nimba silimúma piliipa yambuma nimba silimú yi te.” nirim.