Matthew 13:3 - Bo-Ung NT

³ Yu-ni eninindu ung-mani pulele nimba simbandu ung-eku talse turum. Ung-eku te i-sipa topa kene nimba mele: “Piliai! “Yi te-ni rais-wit boma puniena andupa tanda sirim.

Matthew 13:3 Iomraidhean Croise

Matthew 13:4

Tanda silsiliipa andurum kene bo mare kupulanum-na mania purum, kanuma kerama-ni oku liiku nuring.

Matthew 13:53

Yesos-ni ung-eku akuma topa pora sipa kene kolea kanili mundupa kelepa yu purum.

Matthew 22:1

Yesos-ni kelepa ung mare [Juda yi-aulimandu nimbándu] ung-eku te wasie topa kene nimba mele:

Matthew 24:32

“Unji-píkele-ni telemú aku-sipa ung-eku mele pelemáliinga piliiku kene ung-pulele piliai. Unji-pik kuku topa gomú tolemú-na kanuku kene ‘Ekupu ena temba kaliimbuma wendu ombá tekem lem.’ niku piliilimili.

Mark 12:1

Walse Yesos-ni [Juda-yambumanga yi-aulimandu] ung-ekuma enini topa simbandu ung-eku te i-sipa turum: “Yi te-ni unji-waen punie tepa kene pala tirim. Unji-waen-mong kambiliipa nami-nami sipa no-waen monjumbandu puniena sukundu luikolu te ukupa tepa mimi tepa kene, penga punie nukungí lku-takaé te polu kulupa ola takurum. Yi mare kanupa liipa kene eninindu nimba mele: “Nanga puniele tápu tenjiku unji-monguma lkeku nokunjangi. Penga waen-mong polu tomba kene monguma moke tepu, kongun tinjingí méle-mare eni liangi, méle-mare na liambu.” nimba punie kanili enini sipa kene yu kolea [sulu] tenga pupa mulurum.

Mark 12:12

[Juda-yambumanga yi-auli kanuma] Yesos ung-eku turum kanili piliiku kene enini yunu toku kunjingí teku muluring akili yu-ni nirim piliiku kene enini yu ka singí tiring akiliinga-pe yi-auli kanuma-ni we-yambuma mundu-mong tenjikuliinga yu liiku ka naa siring. Yunu munduku kelku puring.

Mark 3:23

Aku-siku niring piliipa kene [Yesos Seten-kene ele-tu yisele muluringlieliinga ‘Seten-ni yu naa liipa tapunjulka aima mólu!’ nimba] Yesos-ni eninindu “Wai.” nimba kene eninindu ung-eku topa nimba mele: “Seten-ni Seten yunu nambi-sipa topa makurumbaye?

Mark 4:13

Aku-sipa nimba kene Yesos-ni eninindu kelepa nimba mele: “Ung-eku topu nindu kaniliinga ung-pulele naa piliilimiliye? Akili naa piliiku kene ung-eku wemanga pali ung-puluma nambi-siku piliingíye? [Ung-ekaliinga pulele i-sipa:]

Mark 4:33

Yesos-ni ungma yambuma nimba simbandu ung-eku pulele aku-sipama topa sirim. Enini kapula piliingí mele topa sirim.

Luke 12:41

Pita-ni yunundu nimba mele: “Auliele, ung-eku toku niku sikenu akili oliu [nunga lumbili anduli yimandu mindi] niku sikenu mola yambu wemandu pali niku sikenuye?” nirim.

Luke 8:10

Kanu-kene yunu-ni eninindu nimba mele: “Pulu Yili yi nuim kingele molupa yambuma kene mélema kene nokulemáliinga ulu-pulu ui yunu piliirim ulu-pulu kanuma ‘Eni ekupu [na lumbili olemele yambuma] piliangi.’ nimba kene eni ‘Ung-ekumanga puluma piliangi.’ nimbaliinga eni nimba sikem. Akiliinga-pe we-yambuma ungma nimbu simbundu ung-eku mindi topu siliu. [Pulu Yili-ni Asayanga kerina nimba mele:] ‘Enini mongale-ni kanuku kene kanuku bi naa silimele; kumele-ni piliiku kene piliiku bi naa silimele.’ Asaya 6:9 nirim akiliinga we-yambumandu ung-eku mindi toliu.” nirim.

John 16:25

“Na lumbili andúlima, na-ni eni ungma nimbu simbundu taki-taki ung-eku mindi toliu. Akiliinga-pe walse penga na-ni enindu aku-sipu naa nimbú. Nanga Tata-ni ulu telemúma na-ni sumbi-sipu nimbu simbu.