Matthew 11:16 - Bo-Ung NT

¹⁶ “Ekupu mana molemele yambuma nambulka méle te kene enini manda lepu nimbúnje? [Enini molemele mele i-sipu nimbu sambu:] Enini yambuma máku tolemele koleana kangambulama pepi pereku molemele mele. Kangambula kanumanga mare-ni ne anju molemele kangambula mare [wasie pepi pereku mulungí kupulanum te koruku kelku kene] eninindu walsiku kene niku mele:

Matthew 11:16 Iomraidhean Croise

Matthew 11:15

Ya niker mele kum angiliimú yambuma-ni aima mimi-siku piliai!” [nirim.]

Matthew 11:17

“Konana nímulu kene eni ‘Wasie konana niamili.’ naa niku “Mólu.” níngi. Pe kelepu kola tímulu kene eni ‘Wasie kola teamili.’ ni naa níngi. [Wasie pepi perepu molomulú kupulanum te mólu lam.]” nilimele. [Ekupu molemele yambuma enini kangambula kanuma mele molemele.]

Matthew 12:34

Eni Perisi-yima, gólu topa yambuma tepa kis-sili wambiyelenga walúma, eni yi kis molemelema-ni nambi-siku ung kaíma kapula ningíye? Yambu te yunga numanuna pelemú ungma mindi kerina nilimú akiliinga eni yi kísima-ni nambi-siku ung kaíma kapula ningíye?

Matthew 23:36

Na-ni aima sika enindu niker: “Ui teku kis-siring ulumanga pali ulu-bunima yambu ekupu molkumele ima-kene pemba.” niker.” [nirim.]

Matthew 23:7

Yambuma máku toku molemele koleana andungíndu mong-keng leku ‘We-yambuma-ni oliu kanuku kape niangi.’ niku piliiku kene numanu siku piliiku anduku molemeleko. Yambuma-ni eninindu ‘Rapai’ nilimele kene aima numanu silimeleko.

Matthew 24:34

Na-ni enindu aima sika nimbu siker: “Ekupu molemele yambuma ui naa kolangi i “Wendu ombá.” niker ulu ima pali wendu ombá.

Mark 12:38

Yesos-ni ung-bo tonjupa mani sipa molupa kene [lip-lipi topa] ung te nimba mele: “Eni Pulu Yili-ni [“Teai!” nimba sirim] ung-manimanga puluma piliiku ung-bo tunjuli yima mimi-siku kanuku [enini telemele mele manda leku naa teku] molai. [‘Yambuma-ni oliu kanuku “Yi kaíma” niangi.’ niku] yi kanuma-ni wale-pakuli aima sulu kaíma, [yi-nuimima pakolemele mele,] pakuku andolemele. Yambuma máku toku molemele koleamanga mong-keng leku andungí kene ‘We-yambuma-ni oliu kape niangi.’ niku piliiku kene numanu silsiliiku anduku molemeleko.

Mark 4:30

Pe Yesos-ni eninindu alsupa nimba mele: “Pulu Yili yi nuim kingele molupa yambuma nokulemú akili nambulka méle te mele so liinjipu niambuye? ‘Yu kingele molupa yambuma nokulemú mele piliangi nimbu sambu.’ nimbu kene nambulka ung-ekale topu niambuye?” [nimba kene, alsupa ung-eku te wasie topa kene nimba mele:]

Luke 11:43

“Perisi-yima, eni Juda-yambuma máku toku Pulu Yili-nga ungele piliilimili lkuna lkundu puku kene mania mulungíndu yi-aulima molemele polu kaí akuna ‘molomulú.’ niku mendu puku polu akuna numanu siku molemele. Yambuma máku toku molemele koleamanga mong-keng teku andungí kene ‘We-yambuma-ni oliu kanuku kape niangi.’ niku piliikuliinga numanu siku piliiku molemeleko. Aku telemeláliinga eni mindili noku aima molku kis-singí!

Luke 13:18

Kanu-kene Yesos-ni [yambumandu] alsupa nimba mele: “Pulu Yili yi nuim kingele molupa yambuma nokulemú, akili nambulka mele kanu-siliele lelemúye? ‘Pulu Yili yi nuim kingele molupa yambuma nokulemú akili piliangi.’ nimbu akili nambi-sipu nimbu sambuye?