Mark 5:37 - Bo-Ung NT

³⁷ Kanu-kene yu-ni máku toku muluring yambumandu “Naa wai.” nimba kene Pita kene Jemis kene angin Jon kene akuma mindi liipa kene “Wasie pamulu.” nirim.

Mark 5:37 Iomraidhean Croise

Matthew 17:1

Yesos-ni [yu lumbili andúlimandu aku-sipa nimba sirim kene] penga kóru te omba purum kene Pita kene Jemis kene Jemis angin Jon kene enini liipa memba pupa ma-pangi aima olandupa pulurum tenga ola purum. ‘Oliu oliuliu mindi molamili.’ nimba enini akuna liipa memba purum.

Matthew 26:37

Aku nimba kene Pita kene Seperi-málu [Jemis kene Jon-sele] wasie liipa memba pupa kene [‘Na teku kis-singí ulele aima nondupa wendu ombá tekem.’ nimba piliipa kene] yu-yunu kondu kolupa numanu kis panjipa kamelena mindili tipili mulurum.

Mark 14:33

Aku-sipa nimba kene Pita kene Jemis kene Jon kene liipa memba pupa kene [‘Na teku kis-singí ulele aima nondupa wendu ombá tekem.’ nimba piliipa kene] yu-yunu buni lakupa liipa numanu kis panjipa kamelena mindili tipili mulurum.

Mark 9:2

Yesos-ni [yu lumbili andúlimandu aku-sipa nimba sirim kene] penga kóru te omba purum kene Pita mene Jemis mene Jon mene enini liipa memba pupa mulú aima olandupa pulurum tenga ola purum. ‘Oliu-oliuliu mindi molamili.’ nimba enini akuna liipa memba purum. Akuna puring kene enini kanuku molangi yunga kangiele te-lupa-mele tepa angiliirim,

Luke 8:51

Kanu-kene Yesos yilinga lkuna omba kene lkuna sukundu yambu pulele ambula kulurumele kondu niku kola teku muluring kanupaliinga eninindu nimba mele: “Ambulale kulú naa kulum. We uru mindi pelemú akiliinga eni kola naa teai.” nirim. Akiliinga-pe yunu sika kolupa pora sirimele piliiku kene yunu-ni “We uru pelemú.” nirimaliinga enini yunga ung-taka tonjuku tae tinjiring. Penga yunu [ambulaliinga suluminana] sukundu pumba purum kene ‘We-yambuma pali naa oku anju pai.’ nimbaliinga Pita kene, Jon kene, Jemis kene, ambula kaniliinga anum lapasele kene “Eni mindi wasie pamili wai.” nimba [ambula ónale lirim] suluminana enini memba purum.

Acts 9:40

Pita-ni “Eni suluminana naa molku, wendu pai.” nimbaliinga, koporungu langupa mania molupa Pulu Yili-kene popu topa ung nimba mawa tirim. Aku-sipa tepaliinga ambu-ónale lirimna topele topa kanupa kene nimba mele: “Tapita, nu ola mului.” nirim. Kanu-kene mong makiliipaliinga Pita kanupa bi sipa kene ola mulurum.

2 Corinthians 13:1

Ekupu na wale yupuku-sipu eni molemelena ombú teker. [Ombu tembaliinga ung te Pulu Yili-nga bukna nilimále i-sipa mele:] ‘Yambuma piliiku molangi yambu te-ni yambu te ulu te tepa kis-sirim mele nimba simba kene yambu kanili-ni tepa kis-simba mele yambu tale-ni mola yupuku-ni kanuku kene yu temba mele manda niku singí kene mindi ungele piliiku ‘Yambale-ni sika tepa kis-sirim.’ niku piliai. [Yambu tiluele-ni mindi nimba simba kene naa piliai.]’ Ung-Manima 19:15 nimba molemú kanili.