Mark 4:10 - Bo-Ung NT

¹⁰ Penga we-yambuma pali puring kene yu lumbili anduli yi engkaki-rurepu kene yambu mare kene yu-wasie muluringma kene, enini yu walsiku kene niku mele: “Nu yambumandu ung te niníndu nambimuna ung-eku tolluye?” niring.

Mark 4:10 Iomraidhean Croise

Matthew 13:3

Yu-ni eninindu ung-mani pulele nimba simbandu ung-eku talse turum. Ung-eku te i-sipa topa kene nimba mele: “Piliai! “Yi te-ni rais-wit boma puniena andupa tanda sirim.

Matthew 13:36

[Yesos-ni ung-eku akuma topa pora sipa kene,] yu máku toku muluring yambuma mundupa kelepa lkundu purum kene yu lumbili anduli yima-ni yu mulurumna oku kene niku mele: “Puniena era-kis urum ung-ekaliinga ung-pulele oliu niku para si.” niring.

Mark 4:11

Yu-ni eninindu pundu topa nimba mele: “Pulu Yili yi nuim kingele molupa yambuma kene mélema kene nokulemáliinga ulu-pulu ui yunu piliirim ulu-pulu kanuma ‘Ekupu eni [na lumbili olemele yambuma] piliangi.’ nimba kene eni nimba sikem. Akiliinga-pe ulsu molemele yambuma ungma nimbu simbundu ung-eku mindi topu siliu. [Pulu Yili-ni Asayanga kerina nimba mele:] ‘Enini mongale-ni kanuku kene kanuku bi naa silimele; kumele-ni piliiku kene piliiku bi naa silimele. Numanale-ni piliiku kene numanu topele tolkemelanje [Pulu Yili-ni] eninga ulu-pulu-kisma ‘Mania pupili.’ nimba kanupa konde tenjilka.’ [nirim] Asaya 6:9-10 akiliinga we-yambumandu ung-ekuma mindi toliu.” nirim.

Mark 4:34

Enini ung te nimba simbandu ung-eku mindi turum. [Ung te sumbi-sipa naa nimba sirim.] Akiliinga-pe yu kene yu lumbili andúlima kene eni-enini muluring kene yu-ni yunga ungmanga puluma pali enini sumbi-sipa nimba para sirim.

Mark 4:9

Aku-sipa nimba kene “Yambu kum-peú lelemúma-ni ung ili piliai.” nirim.

Mark 7:17

Kanuna máku toku muluring yambuma Yesos-ni mundupa kelepa lkuna lkundu purum kene yu lumbili andúlima-ni yu walsiku kene niku mele: “Ung-eku akiliinga pulele nambulkanje? Niku para si.” niring kene