Mark 16:7 - Bo-Ung NT

⁷ Kanuku kene anju puku Pita kene yunga lumbili andúlima kene pali i-siku niku sangi: “Yesos kolea Gallalli distrik kumbi-lepa pulimáliinga akuna “Eni na kanungí.” ui nirim mele sika eni akuna yunu kanungí.” niku si-pai.” nirim.

Mark 16:7 Iomraidhean Croise

Matthew 26:32

[Isili-ui na toku kunjingí kene eni sika bulu-bale ningí] akiliinga-pe na lomburupu ola molupu kene, na kumbi-lepu kolea Gallallindu pumbu, [eni penga aeleku akuna ungí kene alsupu wasie molomulú].” nirim.

Matthew 28:10

Kanu-kene Yesos-ni elselendu nimba mele: “Mundu-mong naa tekulu kene, else pukulu nanga anginipilimandu i-siku nikulu mele: “Kolea Gallallindu pai. Yu akuna kanungí.” ni-pale.” nirim.

Matthew 28:7

Kanukulu kene wela lkisiku pukulu yunga lumbili andúlima i-siku nikulu sangli: “Yesos ónu-koleana lepa kene lomburupa ola molupa kolea Gallalli distrik-ndu kumbi-lepa pulimáliinga enini akuna yu kanungí.” niku sangli. [Ung nimbu sinjimbúndu úndu] ung kanili nimbu pora siker.” nirim.

Mark 14:28

[Isili-ui na toku kunjingí kene eni sika bulu-bale ningí] akiliinga-pe na lomburupu ola molupu kene, na kumbi lepu kolea Gallallindu pumbu, eni penga aeleku akuna ungí kene [alsupu wasie molomulú].” nirim.

Mark 14:50

Kanu-kene yu lumbili anduli yima pali [‘Oliu wasie ka singí.’ niku piliiku kene] yu munduku kelku enini takara toku puring.

Mark 16:8

[Angkellale-ni aku-sipa omba mokeringa molupa kene nirim akili] kanuku piliiku kene ambuma pung-pungu niku numanu pulele liiku munduku kene ku-muruna ulsu puku munduku kelku aima lkisiku puring. Mundu-mong tekuliinga yambu tilurindu kepe kanuku piliiring mele niku naa siring.

John 21:1

Penga Yesos Numú-Tapirias [numú akiliinga bi te Gallalli kanili,] numú-kélu akuna ‘Enini yu alsuku kanangi.’ nimba lumbili anduli yima muluringna urum. Urum kanuring mele temanele i-sipa mele:

Acts 13:31

Kanu-kene yunu lomburupa ola mulurum kene uinga yunu naa toku konjangi yambuma yunu-kene kolea Gallalli distrik munduku kelku kolea-auli Jerusallem olandu puring yambu kanuma-ni enamanga taki-taki yunu kanuring. Ekupu yambu kanuma-ni kanuring mele oliunga Isrel-yambuma niku silsiliiku andolemele.

1 Corinthians 15:5

Pe [lomburupa ola molupa kene] yu lumbili anduli yi Pita mulurumna pupa [‘Yu-ni na lomburupu ola mulundu mele kanupili.’ nimba] pupa mokeringa angiliirim. [Aku tepa kene] pe yu lumbili anduli yi rurepu pali muluringna ‘Enini yu kanangi.’ nimba pupa mokeringa angiliirimko.

2 Corinthians 2:7

Manda akiliinga penga ekupu yu mindili siring kanili ‘yu buni aima auli te-ni yu aima topa mania mundumba.’ niku, ekupu ‘Undupasele kanupili.’ niku mindili siring mele munduku kelku yu-ni ulu-pulu-kis tirimele ‘Mania pupili.’ niku kelku yu kondu kolku, numanu waengu sipili ulu mare tíngi lem kapula.