Mark 16:1 - Bo-Ung NT

¹ Ena pupa kalá turum kene [kóru muluring] ena-Sambatele omba purum kene Makdalla taon-na ambu Maria kene Jemis anum Maria kene ambu Sallomi kene enini ‘Yesos-nga ónuna kopungu-wel mura tuli mare kopungu kanjinjamili.’ niku kene mare taropu toku liiku [nosuku piring].

Mark 16:1 Iomraidhean Croise

Mark 14:3

Kolea-kelú Betani yi te [ui kuru-laká nomba kene pe pora nirim yi te,] bi leku “Yi Kuru-Laká Nuli Saimon” niring kaniliinga lkuna Yesos pupa langi nomba mulupili ambu te kopungu-wel mingi aima kaí te Yesos yunu mulurumna memba urum. Wel aima mura lakupa tuli, kanili nat-ni teku mimi tiring, kaniliinga ku-moni aima lakupa purum. Akili memba omba kene Yesos langi nuli polu mulurumna memba omba [‘Yunu tepu kaí tenjambu.’ nimba] mingele topa kaku topa wellale pengína onde linjirim.

Mark 14:8

Ambale-ni ‘Kapula tembu.’ nimba pilíímu akili mele tímu. Na [kolumbu kene] ónu tingéliinga yu-ni isili-ui wel mura tuli ili nanga kangina omba onde linjímu.

Mark 15:40

Ambu mare [Yesos tiring mele] sulu-teku kanuku angiliiring. Akumanga ambu te Makdalla taon-na ambu Maria, te Joses kene angin Jemis kene elsengla anum Maria, te ambu Sallomi.

Mark 15:42

Ulsulam-uikundu [kóru muluring] ena-Sambatele nondupa ola ombá tirim. Sambat enale ola ombá kene kóru mulungéliinga ekupu-mele mélema liiku undu-undu siring enale wendu urum, ena akiliinga [Yesos ui kulupili] kolea kalá tomba tirim kene,

Mark 15:47

Makdalla taon-na ambu Maria kene Joses anum Maria-seleni yunga ónale [ku-muruna] nusurum mele kanuringli.

Mark 16:2

Peku kene aima ipulam-ui, eninga kumbi-leku kongun tiring enale ola ombándu ena ola urum kene ambu kanuma puku [Yesos-nga] ónale nusiring ku-muruna pungí puku kene,

Mark 16:8

[Angkellale-ni aku-sipa omba mokeringa molupa kene nirim akili] kanuku piliiku kene ambuma pung-pungu niku numanu pulele liiku munduku kene ku-muruna ulsu puku munduku kelku aima lkisiku puring. Mundu-mong tekuliinga yambu tilurindu kepe kanuku piliiring mele niku naa siring.

Luke 23:54

Yesos ónu tirim ena akili ekupu mele, ulsulam-ukundu mele [kóru muluring] ena Sambatele nondupa wendu ombá tirim. Sambat enale wendu ombá kene kóru mulungíndu ekupu mele, mélema liiku undu-undu siring enale wendu urum, ena kaniliinga Yesos ónu tiring.

Luke 23:56

penga kanuku pora siku kene yandu oku, ‘Yunga ónuna kopungu-wel-ma kene méle lupa mura túlima kene kanjimulú.’ niku teku mimi tiring. Akiliinga-pe Sambat enale wendu urum kene Pulu Yili-nga ung-manele-ni ‘Sambat enale-kene kóru molai.’ Ui-Pulu-Pulu 2:3, Wendu Uring 20:10, Ung-Manima 5:14 nirim mele akili piliiku liikuliinga méle teku mimi tiring mélema liiku sumbi-siku ónu-koleana naa meku puku kene we nosuku kóru muluring.

Luke 24:1

[Eninga kóru muluring] ena-Sambatele pora nimba, kumbi-lepa kongun enale wendu ombándu kolea tangumba muni lirim kene ambuma kopungu mura tuli ui teku nusuringma liiku meku puku, [Yesos-nga] ónale nusiring ku-muruna meku puring.

John 19:25

Yesos unji-perana ola pirim akuna nondupa yunga anum kene, anum-papale kene, Killopas-nga minu-ambu Maria kene, kolea Makdalla ambu Maria kene, ambu akuma angiliiring.

John 19:31

Yu kulurum ena akili ekupu mele, opali ipulam-ui mele eninga kóru mulungí ena-Sambat olandupa te wendu ombá tirim. Sambat-enale wendu ombá kene kóru mulungíndu ekupu mele, mélema liiku undu-undu siring enale. Akili piliiku kene Juda-yambumanga yi-aulima-ni ‘Opali Sambat-enana kene yima unji-perana ola we pingéle kapula naa temba.’ niku kene enini Paillet-ndu puku mawa teku kene niku mele: “Yima ekupu mania liamilieliinga [‘Enini ekupu mindi walsekale kolangi.’] niku “Eninga kimbuma elki tonjai.” ni.” niring.