Mark 15:3 - Bo-Ung NT

³ Pulu Yili popu tunjuring yi-aulima-ni Yesos kot tenjiku Paillet-ndu [gólu toku] ung pulele Yesos-kene ningíndu “Yunu tepa kis-silimú.” niku yunu kot tinjiring.

Mark 15:3 Iomraidhean Croise

Matthew 27:12

Pulu Yili popu tunjuring yi-aulima kene, [Juda-yambumanga] tápu-yima kene, enini Yesos kot tenjiku Paillet-ndu [gólu toku] ung pulele ningindu niku mele: “Yesos yunu tepa kis-silimú.” niku yu kot tinjiring kene Yesos yunu ung te naa nimba we angiliirim.

Mark 15:2

Paillet-ni [Yesos-nga kotele piliipa kene] yunu walsipa kene nimba mele: “Nu Juda-yambumanga yi nuim kingele mola móluye?” nirim. Yesos-ni pundu topa kene nimba mele: “Sika nikinu. Akili na.” nirim.

Mark 15:4

Aku-siku niringeliinga Paillet-ni Yesos-ndu nimba mele: “Nu ulu kis pulele tirinu nikimili akili nunu piliikunu kene ung te pundu tokunu naa nikinuye?” nirim.

Mark 15:5

Akiliinga-pe Yesos-ni [yu tepa kis-sirim niring mele] pundu topa ung te aima naa nimba [we angiliirim-na kanupa kene] Paillet mini-wale mundupa numanu pulele liipa mundurum.

John 19:12

Yesos-ni aku nirimele piliipaliinga Paillet-ni Yesos yu “We pupili.” nimbá kupulanum te kururum, akiliinga-pe Judama-ni tondulu munduku ni-pui-upui teku kene niku mele: “ “Na yi nuim king te moliu.” nilimú yi te Rom-Gapman-Yi Aima Auli Kumbina Sisa-kene ele-túli molemú-na “King te moliu.” nilimú yi akili nu-ni “We pupili.” ninu lem aku-sikunu tinéliinga [nu Yi Sisale-nga ele-tu yi te liiku tapunjunéliinga] nu-kene Yi Sisale-kene pulu naa lelemú.” niring.