Mark 13:3 - Bo-Ung NT

³ Kanu-kene yunu Unji-Ollip Punie Lili Ma-Pangina olandu pupa [Pulu Yili popu toku kaluring] lku-temboll wilikundu pupa mania mulurumna we-yambu te naa molangi [yu lumbili anduli yi mare] Pita kene, Jemis kene, Jon kene, Endru kene enini oku, eni-enini molku kene yunundu walsiku piliiku kene niku mele:

Mark 13:3 Iomraidhean Croise

Matthew 13:10

Yesos lumbili andúlima yu mulurumna oku kene yundu niku mele: “Nu yambumandu ung te niníndu ung-eku taki-taki nambimuna tolluye?” niring.

Matthew 13:36

[Yesos-ni ung-eku akuma topa pora sipa kene,] yu máku toku muluring yambuma mundupa kelepa lkundu purum kene yu lumbili anduli yima-ni yu mulurumna oku kene niku mele: “Puniena era-kis urum ung-ekaliinga ung-pulele oliu niku para si.” niring.

Matthew 17:1

Yesos-ni [yu lumbili andúlimandu aku-sipa nimba sirim kene] penga kóru te omba purum kene Pita kene Jemis kene Jemis angin Jon kene enini liipa memba pupa ma-pangi aima olandupa pulurum tenga ola purum. ‘Oliu oliuliu mindi molamili.’ nimba enini akuna liipa memba purum.

Matthew 21:1

[Yesos kene yunga lumbili anduli yima kene] enini kolea-auli Jerusallem nondupa oku, ma-pangi te ‘Unji Ollip Punie Lili Ma-Pangiele’ nili akuna kolea-kelú Betepas uring. Kanu-kene Yesos-ni yunga lumbili anduli yi tale liipa mundupa,

Matthew 24:3

Kanu-kene yu Unji-Ollip Punie Lili Ma-Pangina ola pupa mania mulurumna we-yambuma naa molangi yunga lumbili anduli yima oku eni-enini molku kene yunundu walsiku piliiku kene niku mele: “Nu-ni nikinu mele te-kene wendu ombáye? Penga nu nondupa uní tiní enale kene kepe male pora nimbá enale kene kepe penga wendu ombáliinga ui nambulka ulu te temba kene oliu kanupu kene “Ekupu ombá tepam lam.” nimbu piliimulúye? Niku si.” niku walsiring.

Mark 10:35

Kanu-kene Seperi-málu Jemis kene Jon-sele elsele Yesos mulurumna okulu kene nikulu mele: “Ung-Bo Tunjuliele, nu-ni ‘Olsu ulu te teani.’ nimbu mawa tembulú okumbulu.” niringli.

Mark 13:4

“Nu-ni nikinu akili te-kene wendu ombáye? Pe nu-ni nikinu ulu ima nondupa wendu ombáliinga ui nambulka ulu te temba kene oliu-ni kanupu kene ‘Uluma i wendu ombá tekem lam.’ nimbu piliimulúye? Oliu niku si.” niku walsiring kene

Mark 14:33

Aku-sipa nimba kene Pita kene Jemis kene Jon kene liipa memba pupa kene [‘Na teku kis-singí ulele aima nondupa wendu ombá tekem.’ nimba piliipa kene] yu-yunu buni lakupa liipa numanu kis panjipa kamelena mindili tipili mulurum.

Mark 4:34

Enini ung te nimba simbandu ung-eku mindi turum. [Ung te sumbi-sipa naa nimba sirim.] Akiliinga-pe yu kene yu lumbili andúlima kene eni-enini muluring kene yu-ni yunga ungmanga puluma pali enini sumbi-sipa nimba para sirim.

Mark 5:37

Kanu-kene yu-ni máku toku muluring yambumandu “Naa wai.” nimba kene Pita kene Jemis kene angin Jon kene akuma mindi liipa kene “Wasie pamulu.” nirim.

Mark 9:2

Yesos-ni [yu lumbili andúlimandu aku-sipa nimba sirim kene] penga kóru te omba purum kene Pita mene Jemis mene Jon mene enini liipa memba pupa mulú aima olandupa pulurum tenga ola purum. ‘Oliu-oliuliu mindi molamili.’ nimba enini akuna liipa memba purum. Akuna puring kene enini kanuku molangi yunga kangiele te-lupa-mele tepa angiliirim,