Mark 13:15 - Bo-Ung NT

¹⁵ Yambu te lku-imuna ola mulupili [aku-sipa ulu te wendu ombá kene kanupa kene takara topa pumbandu] mania omba ‘Mélema liipu membu pambu.’ nimba lkuna lkundu naa pupili.

Mark 13:15 Iomraidhean Croise

Mark 13:16

Yambu te puniena molupa kene [‘Takara topu pambu.’ nimba] alsupa lkundu pupa yunga alí-wale-pakuli suluele naa liipili. [Sumbi siku takara toku pangi.]

Acts 27:38

Enini langi nuring olu tirim kene rais-wit wale we lirim-ma ‘Sipele buni naa tipili.’ niku nona toku munduku kiliring.

Hebrews 11:7

Noa-ni Pulu Yili-ni nirim mele ‘Sika’ nimba tondulu mundupa piliipa mulurumeliinga Pulu Yili-ni yundu “‘Ma-koleana buni te wendu upili.’ nimbú teker!” nirim kene piliipaliinga, Noa-ni ‘Sika nikem.’ nimba [Pulu Yili-ni “Ti!” nirim mele piliipa manda lepa] nona lemba sip auli te tepa mimi tirim. Pulu Yili-ni “tembu” nirim mele sika ui walsekale kepe yambuma-ni naa kanuring akiliinga-pe Noa-ni ‘Sika nikem.’ nimba piliipaliinga sip te tepa mimi tirim. Aku tirimeliinga no turum kene yu-kene yunga yambuma-kene kapula muluring akiliinga-pe we-yambuma kene mélema pali no-ni turum. Yu-ni Pulu Yili-ni nirim mele ‘Sika’ nimba tondulu mundupa piliipaliinga [tirim] ulele-ni Pulu Yili-ni yambuma kanupa kis piliipa kene tomba tirimele yambuma liipa ora sirim. Aku-sipa nimba piliirimeliinga Pulu Yili-ni ‘yu yi sumbi-niliele’ nimba kanurumko.