Mark 13:14 - Bo-Ung NT

¹⁴ ([Na buk ili tokur yili-ni] eni bukele kanokumele yambumandu ung te niambu: ‘[Yesos-ni nirim] ungele ilinga maniakundu molemú akili eni bi kanokumele yambuma-ni ung-pulele aima piliiku kaí teangi.’ [niker. Yesos-ni nimba mele:]) “[Yambu] tepa pipili kunjuli mele aima kisele [lku-tembolluna suku Pulu Yili-nga lku-sulumina kake tílina Pulu Yili-ni] “We-yambuma sukundu naa pangi!” nimba mi tolemú-na yunu kapula naa pupa angiliimba, akiliinga-pe walse akuna angiliipa kene kolea akili aima tepa kalaru monjumba. Méle akili akuna [wendu omba] angiliimba kanuku kene [‘Buni aulima wendu ombá tekem.’ niku piliiku] kolea Judia distrik koleamanga mulungí yambuma [eninga koleama munduku kelku] ma-pangi lembamanga takara toku pangi.

Mark 13:14 Iomraidhean Croise

Matthew 13:51

[Ung-ekuma topa pora sipa kene Yesos-ni lumbili andúlima walsipa piliipa kene nimba mele:] “Ung akuma pali ung-puluma eni pilííngiye?” nirim. Enini yundu niku mele: “Pilíímulu.” niring.

1 Corinthians 14:20

Angmene, kangambula kelúma-ni numanuna piliilimili mele eni aku-siku naa piliangi. Kangambula-pamema walu-siku molku ulu-kisma piliiku kuni naa teku teku molemele mele mindi eni aku-siku kangambula-pame mele molai. Akiliinga-pe eni yambu-yumanga numanu pelemú-na numanuna piliilimili mele eninga numanu aku-sipa pípili piliiku molai.

Revelation 1:3

Penga wendu ombá mele buk ilinga nimba silimú ungma yambuma piliiku molangi kanuku niku singí yambuma kene, bukna molemú ungma piliiku kene numanuna monjuku piliingí yambuma kene enini [Pulu Yili-ni] membu panjipa “Numanu kaí pípili molku konjangi.” nilimú kupulanum-na mulungí. Ulu wendu ombá nilimúma nondupa wendu ombáliinga aku-siku tingí yambuma enini [Pulu Yili-ni] membu panjipa “Numanu kaí pípili molku konjangi.” nilimú kupulanum-na mulungí.

Revelation 13:18

Mimi-sipa numanu kimbu-sipa piliimba yambale-ni ilinga ung-pulele piliimbanje? Yambu bimanga nambama mimi-sipa kambu tolemále-ni méle-takara kaniliinga nambale mimi-sipa kambu topa piliipili. Yunga nambale yi tenga nambale. Yunga nambale Siks andret Sikisti Siks (666).