Mark 12:5 - Bo-Ung NT

⁵ Alsupa punie pulu yili-ni kendemande-yi te liipa mundurum kene enini yunu toku kunjuring. Alsupa kendemande-yi mare pulele wasie liipa mundurum, akumanga mare wale pulele kimbulú-ni lakuku toku, mare toku kunjuring.

Mark 12:5 Iomraidhean Croise

Matthew 22:6

mare-ni kingeliinga kendemande-yima ambolku liiku teku kis-siku kene toku kunjuring.

Matthew 23:37

[Aku nimba kene Yesos-ni Jerusallem muluring yambuma kondu kolupa akilindu ung te nimba kene nimba mele:] “O Jerusallem [yambuma], Jerusallem [yambuma], Pulu Yili-ni “Ninjai!” nimba ung nimba sirimuma piliiku yambuma niku siring yima toku konjuku, yu-ni yambuma ‘liiku tapunjangi.’ nimba eni muluringna liipa mundurum yima ku-ni toku konjuku telemele yambuma, kera-kulla anumele-ni yunga walúma [tepa liimbandu] liipa yunga puna mo topa nokulemú akili mele na-ni wale pulele eni aku-sipu nokulka akiliinga-pe eni-enini “Mólu!” niring.

Matthew 5:12

[Yambuma-ni eni aku-siku mele telemeláliinga] eni mulú-koleana pungí kene kanuna Pulu Yili-ni eni méle kalupa konjumbaliinga numanu aima lakuku siku numanu kaí pípili molai. Yambuma-ni ekupu eni mindili silimele mele aku-siku eni naa molangi kóru-ui Pulu Yili-ni “Ninjai!” nimba ung nimba sirimuma piliiku yambuma niku silsiliiku anduring yambuma we-yambuma-ni enini kepe mindili siringko kanili.” [nirim.]

Mark 12:4

Alsupa punie pulu yili-ni kendemande-yi te liipa [“Nanga waen-mongma liinji-pui.” nimba liipa] mundurum. Akiliinga-pe yunu [urum kene] punie nukuli yima-ni yunu ambolku liiku kene toku pengale toku siku yunu teku kis-singíndu ‘Pipili kulupili.’ niku ulu kis mare tiring.

Mark 12:6

Kanu-kene punie pulu yili yunga yi tiluele mindi mulurum, yunga málale, yunu numanu munjurum kangale. Yu-ni [numanale-ni piliipa kene] ‘ ‘Nanga kangale’ niku pipili kolku liiku ai siku, yu waen-mong mare singí.’ nimba piliipaliinga yunga málale kamu liipa mundurumko.

Mark 9:13

Akiliinga-pe [ung akiliinga te kene wasie nimbu siker.] Piliai! Illaija kórunga urum. Yunu urum kene [yi kanuma-ni yu kanuku bi naa siku] ‘yu we-yi te.’ niku piliiku kene ‘yu-kene temulú.’ niku piliiring uluma pali tiring. Yu-kene aku-siku tingí mele ui bukna bi turing molemúko.” nirim.

Luke 6:36

Eninga Lapa Pulu Yili teku kis-silimele yambuma kepe yunu aku-sipa kondu kolupa we tepa konjulimú mele eni teku kis-singí yambuma aku-siku kondu kolku teku konjai.” [nirim].