Mark 11:31 - Bo-Ung NT

³¹ [Yu-ni aku-sipa walsurum mele piliiku kene] eni-enini tombulku kene niku mele: “Yu-ni walsikim mele oliu-ni pundu topu, ‘[Jon] yunu mulú-koleana [molemú yilinga kongunale tenjimbandu yambuma no liinjirim].’ nímulu lem yu-ni oliundu nimba mele: ‘Aku lem eni Jon-ni nirim ungele nambimuna ‘Ung ili sika.’ niku naa piliiku liiringiye?’ nimbá.

Mark 11:31 Iomraidhean Croise

Matthew 16:7

Aku-sipa nirim kene piliiku yunga lumbili anduli yima-ni eni-enini tombulku kene niku mele: “Oliu pllawa kaluli [nomulú] mare naa liipu membu úmulaliinga nikem-nje.” niring.

Mark 11:30

[Na-ni i-sipu eni walsiker:] Ui [No-Liinjili] Jon omba yambuma no liinjirim kene yunu mulú-koleana [molemú yilinga] kongunale tenjimbandu yambuma no liinjirim mola ya mana-yambumanga kongunale tenjimbandu yambuma no liinjirimuye? [Nae-ni “Ti.” nirim-na tirimuye?] Niku sai.” nirim.

Mark 11:32

Mola oliu-ni nimbu mele: ‘Yu mana-yambumanga [kongunale tenjimbandu yambuma no liinjirim].’ nímulu lem “We-yambuma-ni oliu tungínje.” niku aku-siku ningíndu mundu-mong tiring. We-yambuma-ni ‘[No-Liinjili] Jon yu aima sika Pulu Yili-ni “Ninjui!” nimba, nimba sirimu ungma piliipa yambuma nimba sirim yi te mulurum.’ niku piliilimili akiliinga oliu nambi-temulúnje?” niku enini aku-siku tombulku niring.

John 1:15

[Jon yambuma no liinjipa mulupili Yesos Pulu Yili-nga Ungele urum kene] Jon yu-ni yambuma yi kanili liipa ora sipa yu mulurum mele nimba sirim. Yu-ni nangale topa kene nimba mele: “Yi ili na-ni ui enindu “Nondupa ombá.” nimbu sirindu yi kanili ili. Na naa molambu yi ili yu kórunga-ui Pulu Yili-kene wasie mulurumeliinga “Yu yi-nuim auliele, na aima we korupale.” nirindu yi kanili ili.” nirim.

John 1:29

Ulsulam-ukundu [No-Liinjili] Jon mulurumna Yesos ombá urum kanupa kene, yambumandu nimba mele: “Kanai! Pulu Yili-nga Kung-Sipsip Walále okum. Yu yambumanga pali ulu-pulu-kísima kulu tonjulemú tonjumba yili okum.” [nirim].

John 1:34

enindu “Yu Pulu Yili-nga Málale.” niliu.” nirim.

John 1:36

Kanu-kene Yesos omba purum kene yu-ni kanupa kene nimba mele: “Kanale! Pulu Yili-nga Kung-Sipsip Walále omba pukum.” nirim.