Mark 1:18 - Bo-Ung NT

¹⁸ [Aku nirim-na piliikulu kene] lkisikulu elsengla oma liili walema munduku kelkulu kene Yesos lumbili puringli.

Mark 1:18 Iomraidhean Croise

Matthew 4:20

[Aku nirim mele piliikululiinga] lkisikulu elsengla oma liili walema munduku kelkulu kene Yesos lumbili puringli.

Mark 1:17

[Aku-siku teku muluringli kanupa kene] Yesos-ni elselendu nimba mele: “Na lumbili wale. Oma liinglíndu oma liili wale te liiku nona suku mundulimbili kene omama walena omba pelemú mele, penga ‘nanga kongunale tinglíndu nanga ungele piliikulu niku silsiliikulu andunglí kene yambuma nanga talapena sukundu oku molangi.’ nimbu ‘Else na lumbili wale.’ niker.” nirim.

Mark 1:19

Kanu-kene yu laye-kolte anju pupa kene, Seperi-nga málu Jemis kene angin Jon-sele elsengla nona anduli sipna sukundu molkulu oma liili walema toku tambulku muluringli kanupa kene

Luke 14:33

[Ung-ekusele topa pora sipaliinga penga ung-ekuselenga yi tale-ni telkembela mele akiliinga ung-pulele enini nimba sipaliinga nimba mele:] “[Yi kanusele-ni telkembela] aku-sipa mele eninga yambu te yunu-ni ‘Na lumbili ombu.’ nimbaliinga yunga mélema pali kene, yunga yambuma kene, yunga ku-monima kene, yunga kangiele kene, méle akuma mindi numanu monjupa na lakupa numanu naa monjulemú yambale na lumbili kapula naa ombá.” [nirim.]

Luke 5:11

Kanu-kene eninga sip-sele numú-kéluna meku ulsu oku kene, sip-selenga mélema pali lipili munduku kelku Yesos lumbili puring.

Philippians 3:8

Na-ni Juda-yambumanga ulu-pulumandu mindi naa niker. ‘Krais Yesos nanga Auliele aima tapú-topulu piliipulu molembulu ulu akili aima kaí.’ nimbu we-mélema kene uluma waka naa kolupu ‘ulu te mólu’ nimbu mundupu kelepu yu-mindi lumbili puliu. ‘Krais mindi ambulupu yunga ungma tondulu mundupu piliipu liipu tepu, yu-kene tapú-topulu molambili.’ nimbu ‘we-uluma langi purupa lkupandi tolemú kene toku mundulimele mélema mele lelemú.’ nimbu piliipu moliu. Ekupu na-ni ‘Ung-manima piliipu liipu tirindeliinga na Pulu Yili-ni ‘na yi sumbi-niliele.’ nimba kanolemú.’ nimbu naa piliiliu. [‘Na yi sumbi-niliele molambu.’ nimbu kupulanum te-lupa puliu.] ‘Krais [kene yu-ni ‘nanga’ nimba tinjirimele kene] sika.’ nimbu tondulu mundupu piliiliu akili mindi yi sumbi-niliele moliu kupulanumele akisinjilimú. ‘Krais sika’ niku tondulu munduku piliilimili yambuma mindi Pulu Yili-ni ‘yambu sumbi-nílima’ nimba kanolemú.