Luke 9:33 - Bo-Ung NT

³³ Kanu-kene yi akusele punglí puringli kene Pita-ni Yesos-ndu nimba mele: “Yi Nuimele, oliu ya molkumulale kaí lam. Oliu-ni lku-takaé yupuku takunjamili. Te nunga, te Moses-nga, te Illaija-nga takunjamili.” nirim. (Akiliinga-pe nirim mele [mundu-mong lakupa kolupa kene] yunu-ni nimbá mele naa piliipa ungele walu-sipa nirim.)

Luke 9:33 Iomraidhean Croise

Matthew 17:14

[Yesos kene yunga lumbili anduli yi yupuku kene] enini [ma-pangina mania] oku kene yambuma máku toku muluringna uring kene yi te Yesos urumna omba koporungu langupa

Matthew 17:4

Kanu-kene Pita-ni Yesos-ndu nimba mele: “Auliele, oliu yana molkumulale kapula lam. Nu-ni “Kapula.” ninu lem, lku-takaé yupuku takonjambu. Te nunga, te Moses-nga, te Illaija-nga takonjambu.” nirim.

Mark 10:38

Yesos-ni elselendu nimba mele: “Mawa tekembele mele else piliikulu naa kongnjukumbele. Na no-mingina no nombále else kapula nunglíye? Mola na no liimbále else kapula liingíye?” nirim.

Luke 5:5

Saimon-ni pundu topa kene nimba mele: “Yi-Nuimele, ekupu sumbulsuli pali oma liili kongunale tondulu mundupu tepu molupu tangnjupuliinga oma te aima naa líímulu. Akiliinga-pe aku-sikunu nikinu akiliinga walema nona topu mania mundambu.” nirim.

Luke 9:34

Pita-ni aku-sipa nimba mulupili kupa te omba enini panda turum. Kupana sukundu puring kene enini mini-wale munduring.

Luke 9:49

Yesos lumbili anduli yi Jon-ni Yesos-ndu nimba mele: “Yi-Nuimele, oliu kanúmulu, yi te-ni nunga bili lepa kuru mare yambumanga numanuna mulúngima “Oku wendu pai.” nimba topa makurupa mulúm kanúmulu. Kanupu kene yunu oliu-kene wasie tapú-topu naa andolemulaliinga yundu “Nu aku-sikunu naa ti.” nímulu.” nirim.

John 14:8

[Yu lumbili anduli yi] Pillip-ni yundu nimba mele: “Auliele, Lanie liiku ora si. Kanupu kene oliu-ni “Manda.” nimulú.” nirim.

2 Corinthians 4:6

Akiliinga pulele i-sipa mele: “Kolea súmbulu túlina pa tipili.” nirim [kene Ui-Pulu-Pulu 1:3 ma-koleana pa tirim] Pulu Yi kanili yu-ni oliunga numanuna sukundu pa tinjirim. ‘Oliu-ni ‘Pulu Yili-nga tondulu talang puliele-ni Krais-nga kumbi-kerina pa tepa talang pulimú.’ nimbu piliamili!’ nimba aku tirim.