Luke 9:19 - Bo-Ung NT

¹⁹ Enini yunundu pundu toku niku mele: “Mare-ni “Nu No-Liinjili Jon [kulurum kanili alsupa lomburupa ola molemále].” niku piliilimili; mare-ni “Nu [Pulu Yili-ni ui kona mulupili olandu liirim yi] Illaija alsupa omba molemú.” niku piliilimili; mare-ni “Nu Pulu Yili-ni “Ninjui!” nimba ung nimba sirimuma piliipa yambuma nimba sirim yi te ui kulurum kanili lomburupa ola molemú.” niku piliilimili.” niring.

Luke 9:19 Iomraidhean Croise

Matthew 14:2

yu-kene tapú-toku molku yu liiku tapunjuring tapú-yimandu nimba mele: “Ulu ima telemú yili No-Liinjili Jon lam! Yu kolupa kene lomburupa ola molupa úmeliinga ulu-tonduluma temba tondulale yu-kene pelemú.” nirim.

Matthew 3:1

[Yesos Nasaret taon-na we mulupili] No-Liinjili Jon omba kolea Judia distrik sukundu kolea-wakana ele-ung nimba kene nimba mele:

Mark 6:14

Kanu-kene Yesos yunga bili yambuma-ni piliiku liringeliinga yunu-ni tirim mele temani turing kene yi nuim king Erot-ni piliirimko. [Yesos-ni tepa nirim mele piliiku kene] yambu mare-ni niku mele: “Ulu ima telemú yili No-Liinjili Jon lam! Yu kolupa kene lomburupa ola molupa úmeliinga ulu-tonduluma temba tondulale yu-kene pelemú.” niku muluring.

Mark 6:15

Yambu mare-ni niku mele: “Yu [ui kona mulupili Pulu Yili-ni olandu liirim yi] Illaija alsupa omba molemú.” niring. Yambu mare-ni niku mele: “Pulu Yili-ni “Ninjai!” nimba ung nimba sirimuma piliiku yambuma niku siring yi kóru-ui muluring yima mele yu aku-sipa Pulu Yili-nga ungma piliipa yandu nimba silimú yili molemú.” niring.

Luke 9:18

Walse, Yesos yunu Pulu Yili-kene popu topa ung nimba mulurum kene yu lumbili anduli yi wasie muluringmandu walsipa kene nimba mele: “Yambuma-ni na bi leku nae nilimeleye?” nirim.

Luke 9:20

[Aku-siku niring kene] Yesos-ni eninindu walsipaliinga nimba mele: “[We-yambuma-ni aku-siku nilimele] akiliinga-pe eni-enini na nae nilimeleye?” nimba walsurum. Pita-ni pundu topa nimba mele: “Nu Pulu Yili-ni ‘Oliu nokupa konjumba yi te liipu mundumbu.’ ui nimba makó turum yi-nuim Kraisele.” nirim.

John 1:21

Enini “Nu yi kanili mólu lem nu naeye? Nu Pulu Yili-ni “Ninjui!” nimba ung nimba sirimuma piliipa yambuma nimba sirim yi Illaija, [yu kona mulupili Pulu Yili-ni ui olandu liirim akili] nu kelkunu únuye?” niku walsiku piliiring. Yu-ni “Na akili mólu.” nirim. Enini niku mele: “Aku lem ‘Pulu Yili-ni ye tendu “Ninjui!” nimba ung nimba simbama piliipa yambuma nimba simba yi te penga ombá.’ [ui niring yili] nuye?” niring. Yu-ni “Mólu.” nirim.

John 1:25

Perisi-yi akuma-ni yundu walsiku piliiku kene niku mele: “Nu yi-nuim Kraisele móluko, Illaija móluko, ‘Pulu Yili-ni “Ninjui!” nimba ung nimba simbama piliipa yambuma nimba simba yi te penga ombá.’ ui niring yili móluko. Pe ekupu nu nambimuna yambuma no liinjilluye?” niring.

John 7:40

Yesos-ni ung nirim-ma yambuma-ni piliiku kene, mare-ni niku mele: “Moses-ni ui nimba mele: ‘Pulu Yili-ni “Ninjui!” nimba ung nimba simbama piliipa yambuma nimba simba yi te ombá.’ nirimele yi ili lam.” niring.

John 9:17

Akiliinga, mong ui kis lirim yili alsuku walsiku kene niku mele: “Yi kanili-ni nunga mongale tepa kaí tinjim akiliinga yundu nu nambulka niku piliikunuye?” niring. Yili-ni pundu topa kene nimba mele: “Yu Pulu Yili-ni “Ninjui!” nimba ung nimba silimúma piliipa yambuma nimba silimú yi te.” nirim.