Luke 9:16 - Bo-Ung NT

¹⁶ Kanu-kene Yesos-ni pllawa kaluli angere te-guli kene oma tale kene liipa kene mulú-koleana olandu-sipa kanupa [Pulu Yili-kene] “Angke” nimbaliinga langi kanuka ambulupa puku topa yu lumbili andúlima moke tepa sipa kene “Anju yambuma sai.” nirim, [enini yambuma moke teku siring].

Luke 9:16 Iomraidhean Croise

Matthew 14:19

Kanu-kene yambumandu “Erana mania molai.” nimba kene yu-ni pllawa kaluli angere te-guli kene oma tale kene liipa mulú-koleana olandu-sipa kanupa [Pulu Yili-kene] “Angke” nimba pllawa kalúlima ambulupa puku topa [oma kene] lumbili anduli yima moke tepa sipa kene “Anju yambuma sai.” nirim, enini yambuma moke teku siring.

Matthew 15:36

pllawa kaluli angere yupuku-guli kene omama kene liipa Pulu Yili-kene “Angke” nimba, langi akuma puka lepa yu lumbili anduli yima sirim kene enini yambuma moke teku siring.

Mark 7:34

mulúna olandu-sipa kanupa, tondulu múlu liipa, Juda-yambumanga ung lepa yilindu nimba mele: “Epata!” nirim. (Ung kaniliinga pulele “Kum-peú lipili ung piliani!” nirim.)

Luke 22:19

Bret te liipa Pulu Yili-kene “Angke” nimba kene ambulupa puka topa [yu lumbili anduli yima] sipa kene nimba mele: “Ili nanga kangiele [eni liiku nai]. Nanga kangiele ‘eninga’ ninjipu [‘Na tangi.’ nimbu] simbu teker ili. Penga-penga kepe, ‘eninga’ nimbu tenjimbu teker akili mele ‘Alsupu piliimulú.’ niku bret ili “Nanga kangiele.” nimbu siker mele eni aku-siku bret te noku kene liiku manjai.” nirim.

Luke 24:30

Kanu-kene elsele kene wasie keri-langi noku muluring kene yu-ni pllawa kaluli te liipa Pulu Yili-kene “Angke.” nimba, ambulupa puku topa elsele sirim.

Luke 9:15

enini aku-siku yambumandu niring kene yambuma ungele piliiku liiku aku-siku mania muluring.

Luke 9:17

Enini pali langi kanuma nuring kene olu tirim. Penga yu lumbili anduli yima-ni langi kakena lirim-ma liiku máku toku wale-basket engkaki-rurepu toku peka siring.

John 6:11

Kanu-kene Yesos-ni rais-balli-pllawa kalúlima liipa ambulupa kene Pulu Yili-ndu “Angke” nimba yambu muluringma moke tepa enini manda nungí mele sirim. Omasele aku-sipako moke tirim. Noku [aima] kis piliiring.

John 6:23

Kanu-kene bonongu Auliele-ni langi wallú-sele liipa ambulupa Pulu Yili-ndu “Angke” nimba yambuma sirim nuring koleana nondupa kolea-auli Tapirias yambumanga sip mare numú-kéluna uring.

Acts 27:35

Aku-sipa nimbaliinga, [‘Enini mini-wale naa munduku, numanu waengu nipili keri-langi nangi.’ nimba kene] kanuku molangi yunu bret te liipa puka topa Pulu Yili-ndu “Angke” nimbaliinga nurum.

Romans 14:6

Yambu te-ni ‘Ena ili kaí olandupa.’ nimba piliilimú yambale-ni ‘Auliele-ni kanupa kaí piliilimú mele teambu.’ nimba aku-sipa nimba piliilimú. Yambu te langima naa apurupa walu-sipa nolemú yambale ‘Auliele-ni kanupa kaí piliilimú mele teambu.’ nimba Pulu Yili-ndu “Angke” nimba kene langima nolemú. Yambu te langima mi lepa naa nolemú yambale ‘Auliele-ni kanupa kaí piliilimú mele teambu.’ nimba aku-sipa tepa Pulu Yili-ndu “Angke” nilimú.

1 Corinthians 10:30

[Pulu yambu gólu túlima popu toku kalungí] langima yambu mare kene wasie langi nombu molomulú kene Pulu Yili-ndu “Angke” nimbuliinga nombú kene yambu te-ni na-ni tembu mele yunga numanale-ni apurupa piliipa kene nandu “Tekunu kis-sikenu.” nambimuna nimbáye? [Pulu Yili-ndu “Angke” nimbu kene nombú langimanga ung te mólu. Aku tembaliinga yambu te-ni nandu ung te nimbá kene mandaye?]” nimba walsipa molemúnje?

1 Corinthians 11:24

[Pulu Yili-kene] “Angke” nimba kene ambulupa puku topa [yu lumbili anduli yima] sipa kene nimba mele: “Ili nanga kangiele [eni liiku nai]. Nanga kangiele ‘eninga’ ninjipu [‘Na tangi.’ nimbu] simbu teker ili. Penga-penga kepe, nanga kangiele ‘eninga’ nimbu tenjimbu teker akili mele ‘Alsupu piliamili.’ niku bret ili “Nanga kangiele.” nimbu siker mele eni aku-siku bret te noku kene liiku manjai.” nirim.