Luke 7:16 - Bo-Ung NT

¹⁶ Yesos-ni aku-sipa tirimeliinga yambuma-ni mundu-mong teku kene niku mele: “Pulu Yili-nga ung “Ninjui.” nimba, nimba silimú ungma piliipa yambuma nimba sili yi-auli te oliu molemuluna wendu um lam.” niku Pulu Yili yunga bili paka tonjuku kene niku mele: “Pulu Yili yunga yambuma molemelena omba liipa tapunjum.” niring.

Luke 7:16 Iomraidhean Croise

Matthew 15:31

Ung naa niring yambuma ung niring; kimbu kima topele-mapele turum yambumanga kimbu kima alsupa sumbi-sipa angiliirim; kimbu kis lirim-na kupulanum mimi-siku naa anduring yambuma kapula anduring; mong kis lirim yambuma mongale-ni mélema kanuring; aku-sipa ulu-tonduluma wendu urum-na kanuku kene we máku toku muluring yambuma-ni aima numanu pulele liiku munduku, Pulu Yili enini Isrel-yambuma nukurum popu turing Pulu Yili kape niku bi paka tunjuring.

Matthew 21:11

Máku toku muluring yambuma-ni niku mele: “Ili Pulu Yili-ni “Ninjui!” nimba ung nimba silimúma piliipa yambuma nimba silimú yi-Yesos, kolea Gallalli distrik Nasaret taon yi te.” niring.

Matthew 28:8

[Angkellale aku-sipa omba mokeringa molupa kene nirim mele] kanuku piliikulu kene ambusele mundu-mong tenjikulu mundu-mong aima akukulu, aku-sipa numanu tale pípili ku-muruna ulsu pukulu munduku kelku lkisiku pukulu yunga lumbili andúlima niku singlí puringli.

Matthew 9:8

Yambu pulele akuna máku toku muluringma-ni yu aku tirim kanuku mini-wale munduku kene, mana-yambuma ulu-tondulu aku-mele tingí tondulale sirim Pulu Yili-nga bili paka tonjuku kape niring.

Luke 1:65

Aku-sipa tirim-na kanuku kene yunga lku-keri-kupu yambuma-ni aima mini-wale munduring. Kolea Judia distrik sukundu ma-pangimanga kolea lirimumanga pali temani akili mindi tolsiliiku puring.

Luke 1:68

“Auliele, Isrel-yambumanga Pulu Yili, yu kape nimbu bi paka tunjamili. Yu omba yunga yambuma tepa liipa buni te-ni enini ambulurumeliinga mindili noku muluring buni kanuna wendu líímeliinga piliipu kene yu kape nimbu bi paka tunjamili.

Luke 19:44

Aku-siku teku kene, penga Jerusallem lkuma pali toku tekisiku bulu-bale siku kene lku-suku mulungí yambuma tungí, aku-siku tingí enama wendu ombá. Pulu Yili-ni [eni tepa liimbandu] um enale eni naa pilííngeliinga ena kanuma wendu ombá.” nirim.

Luke 2:20

Sipsip tápu-yima kelku yandu oku kene, angkellale-ni nimba sirim mele pali piliiku kanuringeliinga Pulu Yili kape nilsiliiku yunga bili paka tonjulsiliiku yandu uring.

Luke 24:19

Yi urumele-ni “Nambulka uleleye?” nirim. Elsele-ni nikulu mele: “Kolea Nasaret yi Yesos-nga ulu kanumandu nikimbulu.” niringli. “Yesos yu Pulu Yili-ni “Ninjui” nimba, nimba silimú ungma piliipa yandu nimba sili yi te molupaliinga Pulu Yili kene oliu mana-yambuma kene kanupu molamili ung tonduluma nimba ulu tonduluma tirim.

Luke 5:26

[Yunu aku tirim kanuku kene] enini suru niku mini-wale munduku Pulu Yili-kene aima mundu-mong teku yunga bili paka tonjuku yu kape niku kene niku mele: “Oliu ulu wendu okum kanokumulu ili ulu aima te lupa lam.” niring.

Luke 5:8

Ulu akili kanupa kene Saimon-Pita Yesos-nga kumbi-kerina omba mania molupa tamalu pepa kene nimba mele: “Yi-Auliele, na ulu-pulu-kis tili yili [nu kake tili yili]. [Tiluna molkumbulele kapula naa tekem] aliinga anju pukunu nu lupa mului.” nirim.

Luke 7:15

Kanu-kene yi kulurumele ola molupa yunu ung nirim. Kanu-kene Yesos-ni yi kulurumele liipa yili yunga anum yunu sirim.

Luke 7:39

Lku pulu yi Perisi-yi [Saimon] kanili yunu-ni ambale-ni aku-sipa tirimele kanupa kene yunu numanale-ni piliipaliinga ‘Yi ili aima sika Pulu Yili-ni “Ninjui!” nimba ung nimba silimú ungma piliilimú yi te molkanje ambu yunu ambulkum ili molemú mele kene ulu-kis telemú mele kene kapula piliipaliinga “Na naa ambolkunu, oku wendu pui.” nilka.’ nimba piliirim.

Luke 8:37

Kanu-kene kolea Gerasa yambuma pali aima mini-wale munduku kene Yesos mawa teku kene niku mele: “Oliunga koleana naa molkunu kelkunu pui.” niring kene yunu kelepa pumbandu nona anduli sipna sukundu purum.

Luke 9:19

Enini yunundu pundu toku niku mele: “Mare-ni “Nu No-Liinjili Jon [kulurum kanili alsupa lomburupa ola molemále].” niku piliilimili; mare-ni “Nu [Pulu Yili-ni ui kona mulupili olandu liirim yi] Illaija alsupa omba molemú.” niku piliilimili; mare-ni “Nu Pulu Yili-ni “Ninjui!” nimba ung nimba sirimuma piliipa yambuma nimba sirim yi te ui kulurum kanili lomburupa ola molemú.” niku piliilimili.” niring.

John 1:21

Enini “Nu yi kanili mólu lem nu naeye? Nu Pulu Yili-ni “Ninjui!” nimba ung nimba sirimuma piliipa yambuma nimba sirim yi Illaija, [yu kona mulupili Pulu Yili-ni ui olandu liirim akili] nu kelkunu únuye?” niku walsiku piliiring. Yu-ni “Na akili mólu.” nirim. Enini niku mele: “Aku lem ‘Pulu Yili-ni ye tendu “Ninjui!” nimba ung nimba simbama piliipa yambuma nimba simba yi te penga ombá.’ [ui niring yili] nuye?” niring. Yu-ni “Mólu.” nirim.

John 1:25

Perisi-yi akuma-ni yundu walsiku piliiku kene niku mele: “Nu yi-nuim Kraisele móluko, Illaija móluko, ‘Pulu Yili-ni “Ninjui!” nimba ung nimba simbama piliipa yambuma nimba simba yi te penga ombá.’ ui niring yili móluko. Pe ekupu nu nambimuna yambuma no liinjilluye?” niring.

John 4:19

Ambale-ni yundu nimba mele: “Auliele, na piliiker nu Pulu Yili-ni “Ninjui!” nimba ung nimba silimúma piliikunu yambuma niku sillu yi te lam.

John 6:14

Pulu Yili-ni mindi ulu-tondulu manda telka mele ulu akili Yesos-ni tirim kene kanukuliinga yambuma-ni pulu monjuku niku mele: “ “Pulu Yili-ni “Ninjui.” nimba, ung nimba simbama piliipa yandu nimba simba yi te ma-koleana omba oliu nokumba.” niku panjiringele aima sika yi ili.” niring.

John 9:17

Akiliinga, mong ui kis lirim yili alsuku walsiku kene niku mele: “Yi kanili-ni nunga mongale tepa kaí tinjim akiliinga yundu nu nambulka niku piliikunuye?” niring. Yili-ni pundu topa kene nimba mele: “Yu Pulu Yili-ni “Ninjui!” nimba ung nimba silimúma piliipa yambuma nimba silimú yi te.” nirim.

Acts 5:5

Pita-ni aku-sipa nirim ungele Ananais piliipaliinga, yunu kulurum kene yunga ónale topa mana mania mundurum. Yi-kanguwama oku yunga ónale liiku mulumbale tenga kumu toku meku puku ónu ti-puring. Aku-sipa ulele tirim temanele yambuma piliiku kene aima mini-wale munduring.

Acts 7:37

Yi Moses-ni Isrel-yambumandu nimba mele: “Pulu Yili-ni “Ninjui!” nimba ung nimba silimúma piliipu eni nimbu siliu yili moliu mele penga eninga yi te na-mele ‘Pulu Yili-ni “Ninjui!” nimba ung nimba simbama piliipa nimba simba yi te mulupili.’ nimba Pulu Yili-ni liipa mundumba.” Ung-Manima 18:15 nirim yi Moses kanili Moses tilu ili mindi.

Galatians 1:24

Pe Pulu Yili-ni na-kene tirim mele piliikuliinga Pulu Yili kape niku bi paka tunjuring.