Luke 6:6 - Bo-Ung NT

⁶ Penga walse, kóru mululi ena-Sambat tenga, Yesos omba Juda-yambuma máku toku Pulu Yili-nga ungele piliiring lkuna lkundu pupa kene ung-bo tonjupa mani sirim. Lku kanuna yi te mulurum, yunga ki-bokundu kamu kolupa kukurum.

Luke 6:6 Iomraidhean Croise

Matthew 4:23

Kanu-kene Yesos kolea Gallalli distrik sukundu koleamanga pali andupa, Juda-yambuma máku toku Pulu Yili-nga ungele piliiring lkumanga lkundu pupa yambuma ung-bo tonjupa, Pulu Yili nondupa yi nuim kingele molupa nokumba mele temani kaiéle topa sipa, yambu kuru lupa-lupa turum-ma kene kangina ulu pulele tirim-ma kene tepa kaí tirim.

Luke 13:10

Walse, [kóru muluring] ena-Sambat tenga Juda-yambuma liiku máku toku Pulu Yili-nga ungele piliiring lku tenga Yesos lkundu pupa kene yambuma ung-mani sipa mulurum.

Luke 14:3

Pulu Yili-nga ung-manimanga puluma piliiku kungnjuring yi kanuma kene, Perisi-yima kene, enini Yesos-ni walsipa kene nimba mele: “[Kóru mululi] ena-Sambat kene kuru tuli yambu te teku kaí telkemelanje kapula mola móluye?” nirim. “Pulu Yili-nga ung-manimanga sukundu nambulka nimba molemúye?” nirim.

Luke 4:16

Yesos [kolea Gallalli distrik yambuma ung-bo tonjupa mani silsiliipa andupa kene, yunu kolea Gallalli distrik lirim] kolea Nasaret taon ui molupa ai lirim koleana alsupa yandu urum. Omba kene [Juda-yambumanga kóru muluring] ena-Sambateliinga koleamanga pali enini máku toku Pulu Yili-nga ungele piliiring lkumanga yunu taki-taki purum mele Nasaret ung piliiring lku akuna aku-sipa purum. [Máku toku muluring kene] yunu-ni “Na bukele kanupu niambu.” nimba ola angiliirim.

Luke 4:31

Kanu-kene Yesos yunu kolea Gallalli distrik lirim taon te Kapeniam akuna mandu purum. Akuna [kóru muluring] ena-Sambatele ola urum kene Yesos [Juda-yambuma máku toku Pulu Yili-nga ungele piliiring lku kanuna lkundu pupa] yambuma ung-bo tonjupa mani sirim.

Luke 6:1

Walse, [kóru muluring] ena-Sambat tenga, Yesos kene yu lumbili andúlima kene rais-wit puniemanga oku puring kene yu lumbili anduli yima-ni rais-wit mong mare nungíndu lkeku liiku kilu turing.

Luke 6:5

“Mania Omba Mana-Yi Au Talurum Yili-ni Sambat enama nokulemáliinga [Sambat ena kene yambuma molku kunjingíndu tingí mele kapula nimbá kanili].” nirim.

John 5:3

Akuna kuru turum yambu pulele anambu liring. Mong kis lirim yambuma kene, kimbu tondulu naa pepa topele-mapele turum yambuma kene, kimbu kolupa kukurum yambuma kene, enini (‘Nole lop-lopi temba.’ niku nokuku muluring.

John 9:16

Perisi-yi mare-ni niku mele: “Yi ili Sambat-enale naa piliipa we andolemú, aku-sipa ulu-pulu-kis telemáliinga Pulu Yili-ni yu naa liipa mundurum.” niring. Akiliinga-pe mare-ni niku mele: “Pulu Yili-ni liipa tapunjumba kene mendepolu yambu te-ni ulu-tondulu ima mele manda temba aku-sipa mele yi ulu-pulu-kis telemú te-ni manda telkaye?” niring. Akiliinga, eni-enini anju-yandu tombulku niku numanu tiluna pupili naa muluring.