Luke 24:50 - Bo-Ung NT

⁵⁰ Yesos yu lumbili anduring yambuma kolea-kelú Betani lirimna nondupa akuna memba pupa kene, ‘Pulu Yili-ni enini membu panjipili.’ nimba yunga ki-sele ola mundupa, “Pulu Yili-ni eni nokupa konjupa ‘Eni numanu tondulu pupili molangi.’ nipili.” nirim.

Luke 24:50 Iomraidhean Croise

Matthew 21:17

Aku-sipa nimba kene yunu yi kanuma mundupa kelepa kolea-auli [Jerusallem] ulsukundu pupa kolea-kelú Betani pupa akuna pirim.

Mark 10:16

Akili nimba kene yu-ni kangambulama kanglupa yunga kili-ni enini tilu-tilu nimba pengimanga ambulupa enini membu panjipa “Pulu Yili-ni “Eni molku konjangi.” nipili.” nirim.

Mark 11:1

[Yesos kene yu lumbili andúlima kene] enini kolea-auli Jerusallem nondupa oku, ma-pangi te ‘Ma-Pangi Unji-Ollip Punie’ nili akuna kolea-kelú tale, Betepas kene Betani kene akuselenga uring. Kanu-kene Yesos-ni yu lumbili anduli yi tale liipa mundupa,

Luke 24:51

Eninindu aku-sipa nimba mulupili [Pulu Yili-ni] yu mulú-koleana olandu liirim kene enini mundupa kelepa mulú-koleana olandu purum.

Acts 1:12

Kanu-kene enini ma-pangi te, ‘Unji-Ollip Punie Lili Ma-Pangiele’ nili, akili munduku kelku Jerusallem kelku yandu uring. Ma-pangi akili kene kolea-auli [Jerusallem] kene aima nondupa mele lirim, kupulanumele aima nondupa, [kóru muluring] ena-Sambatele-nga Isrel-yambuma kupulanum anduring akili mele.

Acts 1:9

Yu-ni aku-sipa nimba molupa kene, enini kanuku molangi yunu ma-koleale mundupa kelepa mulúna olandu purum kene kupa te omba yunu pipi sirim, penga alsuku naa kanuring.

1 Timothy 2:8

Akiliinga, kolea lupa-lupamanga pali [Krais-nga yambuma-ni Pulu Yili popu toku kape ningíndu máku toku mulungí kene] ‘Oliunga kangi numanuma pali Pulu Yili-nga.’ niku numanu kake tipili mulungí yima ‘Pulu Yili-kene ung niamili.’ niku kene, arerembi kolku tombulku ningí ulu te naa pípili ki ola munduku Pulu Yili-kene ung niangi.