Luke 21:7 - Bo-Ung NT

⁷ Yesos-ni aku-sipa nirim piliikuliinga enini yunundu walsiku piliiku kene niku mele: “Ung-Bo Tunjuliele, nu-ni nikinu mele te-kene wendu ombáye? Penga nu-ni nikinu ulu ima nondupa wendu ombáliinga ui nambulka ulu te temba kene oliu-ni kanupu kene ‘Sika wendu ombá tepam lam.’ nimbu piliimulúye?” niku walsiring kene

Luke 21:7 Iomraidhean Croise

Matthew 24:3

Kanu-kene yu Unji-Ollip Punie Lili Ma-Pangina ola pupa mania mulurumna we-yambuma naa molangi yunga lumbili anduli yima oku eni-enini molku kene yunundu walsiku piliiku kene niku mele: “Nu-ni nikinu mele te-kene wendu ombáye? Penga nu nondupa uní tiní enale kene kepe male pora nimbá enale kene kepe penga wendu ombáliinga ui nambulka ulu te temba kene oliu kanupu kene “Ekupu ombá tepam lam.” nimbu piliimulúye? Niku si.” niku walsiring.

Mark 13:14

([Na buk ili tokur yili-ni] eni bukele kanokumele yambumandu ung te niambu: ‘[Yesos-ni nirim] ungele ilinga maniakundu molemú akili eni bi kanokumele yambuma-ni ung-pulele aima piliiku kaí teangi.’ [niker. Yesos-ni nimba mele:]) “[Yambu] tepa pipili kunjuli mele aima kisele [lku-tembolluna suku Pulu Yili-nga lku-sulumina kake tílina Pulu Yili-ni] “We-yambuma sukundu naa pangi!” nimba mi tolemú-na yunu kapula naa pupa angiliimba, akiliinga-pe walse akuna angiliipa kene kolea akili aima tepa kalaru monjumba. Méle akili akuna [wendu omba] angiliimba kanuku kene [‘Buni aulima wendu ombá tekem.’ niku piliiku] kolea Judia distrik koleamanga mulungí yambuma [eninga koleama munduku kelku] ma-pangi lembamanga takara toku pangi.

Luke 21:32

“Na-ni enindu aima sika nimbu siker: “Ekupu molemele yambuma ui naa kolangi [“Wendu ombá.” niker] ulu ima pali wendu ombá.

Luke 21:6

“Ya [lku-temboll kaí angiliimú] kanokumele mélema [penga walse ya kolea-auli Jerusallem yambuma mindili nungí enale wendu ombá kene] lku-tembollale tekisiku kene kuma pali toku kalalu singí.” nirim.

Luke 21:8

yunu-ni eninindu nimba mele: “[Ulu kanuma wendu ombáliinga ung mare] yambuma-ni eni gólu toku singéliinga kanuku piliiku kongnjuku molangi. Yi pulele-ni oku na moliu mele lupa-lupa gólu toku niku mele: “[Pulu Yili-ni ‘Nanga yambuma nokupa kunjupili liipu mundumbu.’ ui nimba makó turum yi-nuim Krais] akili na.” niku kene, “[Male pora nimbá] ena nirimele wendu ombá tekem.” ningíko. Enini lumbili naa pai.