Luke 21:37 - Bo-Ung NT

³⁷ Yesos-ni enamanga taki-taki lku-tembolluna yambuma ung-mani sipa ung-bo tonju-pui-upui tepaliinga, sumbulsuli taki-taki Jerusallem ulsukundu pupaliinga ma-pangi te ‘Unji-Ollip Punie Lili Ma-Pangiele’ nili akuna ola pupa pi-pui-upui tirim.

Luke 21:37 Iomraidhean Croise

Matthew 21:1

[Yesos kene yunga lumbili anduli yima kene] enini kolea-auli Jerusallem nondupa oku, ma-pangi te ‘Unji Ollip Punie Lili Ma-Pangiele’ nili akuna kolea-kelú Betepas uring. Kanu-kene Yesos-ni yunga lumbili anduli yi tale liipa mundupa,

Matthew 21:17

Aku-sipa nimba kene yunu yi kanuma mundupa kelepa kolea-auli [Jerusallem] ulsukundu pupa kolea-kelú Betani pupa akuna pirim.

Matthew 26:30

[Langi noku pora siku kene] enini Pulu Yili-nga konana te niku kene, pena puku Unji-Ollip Punie Lili Ma-Pangina ola puring.

Matthew 26:55

[Aku nimba kene] Yesos-ni [yu ka singí uring] yi pulele oku muluringmandu nimba mele: “Na ‘yambu topu wa nuli yi te moliu.’ niku piliiku kene na ka singíndu yambu tuli lu-koyama kene kimbulúma kene meku okumeleye? Lku-temboll [lku-kerina we-yambuma máku toku molemele] koleana taki-taki eni wasie molemulu kene ung-bo tonjupu moliu kene na liiku ka naa silimele kanili.

Mark 11:12

Ipulam-ui [Jerusallem nondupa lirim] kolea-kelú Betani munduku kelku kene [kelku Jerusallem pungí puring kene] Yesos yunu engle turum.

Mark 11:19

Penga ipinjali, kolea kalá tomba tirim kene kolea-auli [Jerusallem] ulsukundu pupa [tenga-lupa pemba purum].

Mark 14:49

Lku-temboll [lku-kerina we-yambuma máku toku molemele] koleana taki-taki eni-kene wasie molemulu kene ung-bo tonjupu mani sipu moliu kene na liiku ka naa silimele kanili. Akiliinga-pe [Pulu Yili-nga] bukna turing pelemú akili mele kamu wendu ombáliinga eni tingí tekemele uluma wendu okum.” nirim.

Luke 19:29

Kanu-kene Yesos [kene yu lumbili andúlima kene enini kolea-auli Jerusallem nondupa oku], ma-pangi te ‘Unji-Ollip Punie Lili Ma-Pangiele’ nili akuna kolea kelú tale, Betepas kene Betani kene akuselenga nondupa uring. Kanu-kene Yesos-ni yunga lumbili anduli yi tale liipa mundupa, elselendu nimba mele:

Luke 19:37

Kanu-kene yunu Jerusallem aima nondupa omba, Unji-Ollip Punie Lili Ma-Pangina mania ombá urum kene yu lumbili puring yambu pulele numanu lakuku siku [Yesos-ni] ulu-tondulu pulele tirim kanuring akumanga Pulu Yili kape niku tondulu munduku niku mele:

Luke 19:47

Yunu-ni enamanga taki-taki lku-tembolluna lku-suku [“Juda-yambu naa molemele yambuma ‘Pulu Yili popu tomulú.’ niku liiku máku tolemele kolea” niring akuna] yambuma ung-mani sirim. Pulu Yili popu tunjuring yi-aulima kene, Pulu Yili-nga ung-manimanga puluma piliiku ung-bo tunjuring yima kene, Juda-yambuma nukuring yi-aulima kene, enini yunu toku kunjingí kupulanumele kururing

Luke 22:39

Kanu-kene Yesos [lkuli mundupa kelepa kolea-auli Jerusallem] ulsukundu ombaliinga yunu taki-taki Unji-Ollip-Punie Lili Ma-Pangina ola pu-pui-upui tirim aku mele akuna Yesos purum. Yu lumbili anduli yima yunu lumbili aeleku wasie puring.

John 12:1

[Juda-yambuma-ni puniemanga taki-taki kolea-auli Jerusallem oku akuna sukundu] Pulu Yili-ni eninga anda-kolepalima Naa Topa Ola We Omba Purum mele piliiring enama punie akili wendu ombándu ena angere te-guli we pípili Yesos LLasares mulurum kolea-kelú Betani taon-na purum. Yi kanili yu ui kulurum ónu tiring kene penga Yesos-ni “Wendu ui.” nirim kene yu lomburupa wendu urum.

John 18:2

[Sumbulsuli unji-ollip punie kaniliinga Yesos taki-taki yu lumbili anduli yima wasie puring kilia] Judas-Iskeriot enini punie akuna taki-taki puring mele piliirim. Judas yu Yesos penga liipa Yesos yunga ele-tu yima sirim yi kanili.

Acts 1:12

Kanu-kene enini ma-pangi te, ‘Unji-Ollip Punie Lili Ma-Pangiele’ nili, akili munduku kelku Jerusallem kelku yandu uring. Ma-pangi akili kene kolea-auli [Jerusallem] kene aima nondupa mele lirim, kupulanumele aima nondupa, [kóru muluring] ena-Sambatele-nga Isrel-yambuma kupulanum anduring akili mele.