Luke 21:23 - Bo-Ung NT

²³ [Pulu Yili-ni] Jerusallem-yambuma arerembi kolupaliinga ‘Ami-yima enini-kene arerembi kolku oku tangi.’ nimbá kene ulu buni tili pulele enini mulungína wendu ombá. “Aku-sipa wendu ombá kene ambu kangambula munjúlima kene, ambu kangambula ame sílima kene, [enini kapula lkisiku takara toku naa pungéliinga] enini-kene aima buni wendu ombáliinga enini kondu tekem.

Luke 21:23 Iomraidhean Croise

Matthew 21:16

Yesos walsiku piliiku kene niku mele: “Andi kangambulama-ni ung nikimili mele nu [naa] piliikunuye?” niring. [Akiliinga-pe] Yesos-ni eninindu nimba mele: “Na piliiker. [Andi kangambulama-ni tekemele mele] ung te bukna molemú mele eni naa kanolemeleye? Kanili i-sipa mele molemú: ‘Kangambula-kelúma kene kangambula-pamema kene [Pulu Yili] nu aima kape ningí mele mani sirinu.’ Konana 8:2 ung akili bukna molemú mele eni naa kanolemeleye?” nirim.

Matthew 21:41

Enini yundu pundu toku niku mele: “Yunu-ni yi-kis kanuma ‘kamu molku kis-sangi.’ nimba tepa kis-sipa kene punie nukungí yi lupa mare liipa unji-waen-mongma polu tomba kene unji-waen-monguma moke teku, mare punie pulu yili singí yima puniele simba.” niring.

Matthew 21:44

(Ku-mulú [niker] ilinga ola yambu te singa topa tomba kene ombele-mélema elki tomba. Akiliinga-pe yambu te molumbana ola ku-mulále omba yu topa kene yambu kanili topa nurupalu tomba.)” nirim.

Matthew 24:19

Aku-sipa wendu ombá enaliinga ambu kangambula munjúlima kene, ambu kangambula ame sílima kene, [enini kapula lkisiku takara toku naa pungéliinga] enini-kene aima buni ombáliinga enini kondu tekem.

Mark 13:17

Aku-sipa wendu ombá enaliinga ambu kangambula munjúlima kene, ambu kangambula ame sílima kene, [enini kapula lkisiku takara toku naa pungéliinga] enini-kene aima buni wendu ombáliinga enini kondu tekem.

Luke 19:27

Aku-sipa nimbaliinga yi nuim king kanili yunu-ni ung te wasie nimba mele: “Ekupu na teku kis-siring yambuma meku wai. Enini nandu niku mele: ‘Yi ili oliunga yi nuim kingele naa mulupili.’ niring yambu kanuma meku oku na kanupu molambu enini toku konjai.” nirim.” nimba [Yesos-ni aku-sipa ung-eku kanili topa pora sirim].

Luke 19:43

Eni mulungína ena mare wendu ombá, ena kanuna eninga ele-tu yima oku ‘Eninga koleana kupulanum naa lipili.’ niku ma-pala teku ele-tu yima eni molku poku teku ‘Eni sukundu molangi.’ niku aku-siku tingí.

Luke 23:29

Aku-sipu nikerele, nambimuna nikerye? Niambu: Walse eni Jerusallem yambuma [teku kis-siku mong liilimeláliinga buni singí] enale wendu ombá kene eni kene eninga kangambulama kene mindili nungí kene yambuma-ni niku mele: “Ambu kangambula te naa meku, kangambula ame naa siku, wangnu molemele ambuma, eninga kangambula te mindili nombá enini naa kanungí akiliinga enini maluya.” ningí.

1 Corinthians 7:26

[Na nimbu piliiker mele yambu kanuma enindu niambu:] ‘Ekupu enamanga buni pulele wendu olemáliinga [ambu yi naa puku yi ambu naa liili] yambuma ui molemele mele penga aku-siku we mulúngi lem kapula.’ nimbu piliiker.

1 Thessalonians 2:16

‘Pulu Yili-ni Juda-yambu naa molemele yambuma tepa liipa, mindili nolkemela kupulanum-na wendu liipa, yu-kene molku kunjingí kupulanum-na liipa monjumba mele oliu naa niamili.’ niku, oliu andupu yambu-lupa kanuma ung nimbu simulú kupulanumele pipi singí telemele. Aku telemeláliinga enini ulu-pulu-kis telemele mele taki-taki olandupa-olandupa aima wasie pali telemele, akiliinga, ulu-pulu-kis aima pulele enini-kene kamu pemba. Pe ekupu Pulu Yili-nga arerembi kolumba enale enini molemelena kórunga kam-kamu omba lelemú.

Hebrews 13:16

[‘Pulu Yili popu tamili.’ niku kene i-siku mele teangiko:] ‘Yambuma tepu konjamili.’ niku liiku tapunjuku, méle mólu tomba yambuma eninga méle mare moke teku sangi. Pulu Yili popu tungíndu aku-siku telemele uluma yu-ni kanupa kaí piliipa numanu silimú akiliinga apera naa siku aku-siku teku molai.

James 5:1

Eni méle pulele nosulimele yambuma, enindu nimbú teker ungele piliai. Eni mulungína buni auli mare wendu ombáliinga tondulu nangale toku niku kola teai!

1 Peter 4:17

Pulu Yili-ni yambuma kot tenjimbandu pulu monjupa yunga yambuma kot tenjimba enale ui wendu omba pelemáliinga [numanu siku mindili noku molai]. Penga, [Pulu Yili-ni] oliu aku-sipa kumbi-lepa kot tenjipaliinga ‘Aku-siku mindili nangi.’ nim lem Pulu Yili-nga temani-kaiéle liiku bulu silimele yambuma kot piliipa kene nambi tembaye? [Yambu akuma ‘Mindili auli-teku nangi.’ nimbá.]