Luke 2:51 - Bo-Ung NT

⁵¹ Yu-ni elsele-kene Nasaret taon mandu pupa kene, elsengla ungma piliipa teng panjipa mulurum. Yunga anumu-ni ulu kanuma numanuna panjipa piliipa mindi mulurum.

Luke 2:51 Iomraidhean Croise

Matthew 12:46

Yesos yambu máku toku muluringma ung-mani sipa mulupili yunga anum kene anginipili kene yu-kene ung ningíndu oku pena angiliiring.

Matthew 3:15

Akiliinga-pe Yesos-ni pundu topa nimba mele: “Mólu. Ulu kake tili uluma pali kapula tipili akiliinga niker mele ti.” nirim. Kanu-kene Jon-ni “Kapula.” nimba yu no liinjirim.

Mark 1:9

[Jon yambuma no liinjipa mulurum] ena kaniliinga Yesos kolea Gallalli distrik Nasaret taon mundupa kelepa [Jon mulurumna] urum kene Jon-ni yu no Jodan nona sukundu no liinjirim.

Mark 6:3

Yu-ni lkuma takunjurum yili móluye? Yu Maria málu móluye? Jemis mene Josep mene, Judas mene Saimon mene, akuma yu eninga angin móluye? Yunga kimulupili oliu kene wasie naa molemuluye? [Yu aima sika yi akili molemále].” niring. ‘Yunu aima we-yili nambi-sipa tondulu ima yu-kene pelemúye?’ niku piliiku kene enini yu kanuku kis piliiku yu-kene aima numanu kis panjiring.

Luke 18:37

enini yunundu niku mele: “Nasaret-yi Yesos omba pukum.” niku, niku siring.

Luke 2:19

Akiliinga-pe Maria ung ima kene ulu wendu urum-ma pali numanuna panjipaliinga, penga wasie numanu kimbu-sipa mulurum.

Luke 2:39

Josep Maria-sele elsele-ni Auliele-nga ung-manisele nimba pirim mele pali piliiku liiku tekululiinga elsele Yesos-kene kelkulu kolea Gallalli distrik pukulu elsengla kolea-kelú Nasaret yandu uringli.

Luke 4:16

Yesos [kolea Gallalli distrik yambuma ung-bo tonjupa mani silsiliipa andupa kene, yunu kolea Gallalli distrik lirim] kolea Nasaret taon ui molupa ai lirim koleana alsupa yandu urum. Omba kene [Juda-yambumanga kóru muluring] ena-Sambateliinga koleamanga pali enini máku toku Pulu Yili-nga ungele piliiring lkumanga yunu taki-taki purum mele Nasaret ung piliiring lku akuna aku-sipa purum. [Máku toku muluring kene] yunu-ni “Na bukele kanupu niambu.” nimba ola angiliirim.

Luke 4:23

[Akiliinga-pe] Yesos-ni [yunu mulurum mele nirim-na piliiku kene yunu numanu kis panjiring akili piliipaliinga] eninindu nimba mele: “Ung-eku tolemelemanga te nandu toku ningí teku molemelenje nimbu piliiker. Eni nandu i-siku ningí tekemelenje: “Nu sika dokta mollu lem nu kuru tomba kene nunga upipi-marasinele nunu liikunu nui. Penga nu kona puni [kanupu kene ‘Nu sika dokta mollu lem.’ nimbu piliimulú.” niku ung-eku akili na toku singí tekemelenje?] Nandu niku mele: “Nu-ni Kapeniam taon ulu-tonduluma tirinu piliirimulu akili ya nunga kolea [Nasaret] akuna aku-sikunu ti. [Kanupu kene nu “moliu.” nikinu mele ‘Sika nikinu lem.’ nimbu piliimulú.]” ningí tekemelenje?

Ephesians 5:21

‘Krais yu oliunga Yi-Nuim Auliele.’ niku yunga ungele liiku ai siku molku kene anju-yandu [Pulu Yili-nga] yambumanga ungma kepe táka-niku piliiku liiku molai.

1 Peter 2:21

‘Eni mindili nangi.’ nimba Pulu Yili-ni ‘Eni nanga kongunale tenjangi wai.’ nimba eni walsurum. Krais yu Pulu Yili-ni “Ti.” nirim mele tembandu eninga nimba mindili nunjurum ulu kanili eni aku-siku manda leku tingí mele liipa ora sirim. [Akiliinga, Pulu Yili-ni “Teai.” nirim nilimú ulu akuma ‘Teamili.’ niku kene tingíndu mindili núngi lem kapula.]