Luke 19:42 - Bo-Ung NT

⁴² nimba mele: “[Jerusallem yambuma,] ekupu eni kepe mindili naa noku kapula-kapula mulungí kupulanumele piliilkimilánje kapula. Akiliinga-pe ekupu naa piliilimili [akiliinga] naa liiku manjingí.

Luke 19:42 Iomraidhean Croise

Luke 19:41

Yesos Jerusallem aima nondupa omba kolea-auli kanili kanupaliinga kola tepa kene

Luke 19:43

Eni mulungína ena mare wendu ombá, ena kanuna eninga ele-tu yima oku ‘Eninga koleana kupulanum naa lipili.’ niku ma-pala teku ele-tu yima eni molku poku teku ‘Eni sukundu molangi.’ niku aku-siku tingí.

Luke 19:44

Aku-siku teku kene, penga Jerusallem lkuma pali toku tekisiku bulu-bale siku kene lku-suku mulungí yambuma tungí, aku-siku tingí enama wendu ombá. Pulu Yili-ni [eni tepa liimbandu] um enale eni naa pilííngeliinga ena kanuma wendu ombá.” nirim.

Acts 10:36

“Pulu Yili-ni kórunga-ui Isrel-yambumandu “Enini nokupa konjumba yi te liipu mundumbu.” nimba makó turum yili talkunga urum yi nuim Krais Yesos yunu yambumanga pali Yi-Auliele, akili-ni oliu Pulu Yili-kene numanu tiluna pupili kapula-kapula molomulú kupulanumele akisinjirim temani kaiéle yambuma muluringna Pulu Yili-ni nimba liipa mundurum.

Acts 13:46

Kanu-kene Poll kene Banapas-seleni eninindu tondulu mundukulu nikulu mele: “Pulu Yili-ni ‘Eni Juda-yambuma yunga ungele ui kumbi-leku piliangi.’ nimba ui nirim kilia eni kumbi-lepu ombu nimbu sirimbulu kanili. Akiliinga-pe eni ‘Oliu molupu naa konjulimulaliinga taki-taki kona molupa konjupa mindi puli ulu-pulele kapula naa liimulú.’ niku ung nimbu sikembulele liiku bulu siku naa piliilimiláliinga olsu-ni eni Juda-yambuma mundupu kelepu yambu-lupama molemelena pumbulú.

Hebrews 3:13

Aku naa teku kene [i-siku mele teai:] ‘Ulu-pulu-kísmani oliu kundi topa ‘Kara pangi.’ nimbáliinga’ niku ‘yambuma anju-yandu numanuma tondulu pupili.’ niku liiku tapunjai. Pulu Yili-ni “Ekupu” nirim ilinga olakundu bi tundu akili oliu-ni taki-taki “Ekupu uluma manda temulú. Ekupu manda tondulu mundupu piliimulú.” nilimulu ena akumanga aku-sipu nimbu piliipu anju-yandu yambuma ung kaíma nimbu samili. [Opali talú nambulka ulu te wendu ombánje akiliinga ekupu mindi aku teamili.]

Hebrews 3:15

Aku-mele ilinga olakundu bi tundu mele [aima numanu liiku munduku molai.] Akili i-sipa mele: “Pulu Yili-ni ekupu nikem ungele ekupu pilííngi lem ui eninga anda-kolepalima-ni kara puku ung nirinduma ‘Aima naa piliimulú.’ niku liiku su siringi mele naa teai.” Konana 95:7-8 nirim kanili.

Hebrews 3:7

Pe ekupu [oliu Pulu Yili-nga yambuma molemul]áliinga Mini Kake Tiliele-ni nilimú mele piliamili. Yu-ni nimba mele: “Pulu Yili-ni ekupu nikem ungele ekupu pilííngi lem