Luke 18:20 - Bo-Ung NT

²⁰ [Aku-sipa nimbaliinga yili-ni walsurumeliinga pundu topa kene nimba mele:] “Nu [Pulu Yili-nga] ung-manima [Moses-ni yandu nimba sirim-ma] piliillu. [Ung-mani akuma i-sipa mele]: “Ambu yi púlima mola yi ambu líílima yambu lupa-lupama-kene waperanale naa teai.” nimba, “Yambu toku naa konjai.” nimba, “Mélema wa naa liai.” nimba, “Yambumanga kot gólu toku naa tenjai.” nimba, “Aminiali laniali kene teku konjuku, ung ningí mele piliiku liiku teku molai.” nimba, ung-mani akuma sirim molemú kanili.” nirim.

Luke 18:20 Iomraidhean Croise

Luke 18:19

Yesos-ni yunundu nimba mele: “Nu-ni na nambimuna “Kaiéle.” nikinuye? Yambu kaí te naa molemú. Pulu Yili mindi kaiéle.” [nirim.]

Luke 18:21

Aku nirim-na piliipa kene yi kanili-ni nimba mele: “Na kang-kene molupuliinga ung-mani akuma pali piliipu liipu tepu mulurundu mele yandupa ekupu kepe tepu moliuko.” nirim.

Romans 13:9

[Pulu Yili-nga ung-mani Moses-ni yandu nimba sirim pelemú] ung-manima i-sipa mele: “Ambu yima waperanale naa teai. Yambuma toku naa konjai. Mélema wa naa liai. Yambu-lupamanga mélema kanuku yama naa miai.” kanili. Ung-mani akuma kene ung-mani lupama pali kene liipu tere lepu nimulúndu “Eni-enini lupa-lupa numanu monjuku kondu kolku nokolemele mele aku-sikuko yambuma numanu monjuku nokuku molai.” LLipai 19:18 ung-mani pelemú akili nilimulu.

Romans 3:20

Akiliinga, Moses-ni [“I-siku uluma teai! I-siku mele naa teai!” nimba] Pulu Yili-nga ung-mani sirimuma yambuma-ni mimi-siku piliiku liiku telemeláliinga Pulu Yili-ni enini kanupa kene eninga ulu-pulu-kísima mundupa naa kelepa, ‘numanu sumbi-nimba pili yambuma.’ nimba naa kanomba. Ung-manimanga pulele i-sipa mele: Ung-manima-ni oliu ulu-pulu-kis tepu molemuluma liipa ora silimú akili piliipu kene ‘Pulu Yili-ni kanupa kis piliilimú ulu-puluma telemulu.’ nimbu piliilimulu.

Ephesians 6:2

Pulu Yili-ni [“Teai.” nimba] ui ung-mani te sirim, bukna molemále i-sipa mele: “Aminiali laniali kene teku konjuku eninga ungma piliiku liiku teai.” nilimú kanili. Wendu Uring 20:12, Ung-Manima 5:16 Akiliinga-pe ung-mani lupama we sirim mele ili aku-sipa we naa sirim. Ung-mani ili sipa kene “Aku tingí kene na-ni tembu.” nimba, nimba panjurum mele i-sipa: “Eni ‘Ma-koleana molupu konjupu, molupu sulu pamili.’ niku aku teai.” Wendu Uring 20:12 nimba aku-sipa ola panjipa nimba panjurum.

Colossians 3:20

Kangambulama, eni aminiali laniali-ni ningí ungma pali taki-taki piliiku teng panjiku teku molai. Ulu akili Auliele-ni kanupa kaí piliilimú.