Luke 12:31 - Bo-Ung NT

³¹ [Pulu Yili] yi nuim kingele molupa yambuma nokulemú uluma ‘Kumbi-lepu teambu.’ niku piliiku molai. Aku-siku tingí kene yunu-ni we-mélema kepe eni simba.” [nirim.]

Luke 12:31 Iomraidhean Croise

Matthew 6:33

[Eni langi nungímanga kene mulumbale pakungímanga kene numanu naa liiku munduku,] Pulu Yili yi nuim kingele molupa yambuma nokulemú uluma kene yu kanupa kake telemú nimba kanolemú uluma kene mélema kene ‘Kumbi-lepu teambu.’ niku numanu liiku munduku piliiku molai. Aku tingí kene yu-ni we-mélema kepe eni simba.

Luke 10:42

akiliinga-pe ulu tilu mindi nu naa piliikunu tellu. Ulu kaí akili Maria-ni ‘Teambu.’ nimba kene [nanga ungele piliipa] molemú. Ulu kaí akili yunu-ni temba kupulanumele yambu te-ni “Mólu!” nimba manda pipi naa simba.” nirim.

Luke 12:30

Pulu Yili-nga yambuma naa molku ulsukundu molemele yambuma-ni aku-siku telemele akiliinga-pe eninga Lapa [Pulu Yili-ni] eni yunga yambuma méle mólu tolemúma kanupa molemú [akiliinga eni keri-langi nungímanga kepe méle pakungímanga kepe numanu pulele liiku naa mundai].

John 6:27

Eni langi nondupa purulimúma ‘Liipu nomulú.’ niku kongun naa teai. [Langi kanuma noku kene, kulungí enama wendu olemú kene kolemeleko.] Langi, Mania Omba Mana-Yi Au Talurum Yili-ni silimú langi, kanili naa purulimú, kanili nolemele kene kona molku konjuku mindi pulimelé langi kanili ‘Liipu namili.’ niku mindi kongun teai. ‘ ‘Yi akili-ni sika langi kanili yambuma simba.’ niku piliangi.’ nimba Pulu Yili-ni ulu-tonduluma telemú mele ‘Yi akili-ni ulu-tonduluma aku-sipa tipili.’ nimba Pulu Yili yu-ni yu sirim.” nirim.

Romans 8:31

Akiliinga, Pulu Yili-ni oliu-kene telemú i niker mele akili piliipu kene oliu-ni nambulka nimulúye? Pulu Yili aku-sipa oliunga ele-lkerame molemáliinga nae-ni oliu-kene ele-tu molupa kapula topa mania mundumbaye? Te-ni manda mólu.

1 Timothy 4:8

Sika ‘kangiele tondulu pupili.’ nimbu ulu mare telemulu kene akili ulu kaiéle. Aku telemulu kene kangiele sika tondulu pulimáliinga sika oliu laye-sele liipa tapunjilimú. Akiliinga-pe Pulu Yili-ni kanupa kaí piliilimú uluma mimi-sipu piliipu temulú ulu akili aima olandupa kaiéle. Aku temulú ulele-ni oliu liipa tapunjupa, ekupu ya ma-koleana molemulu mele kene penga mulú-koleana molomulú mele kene simbaliinga akili aima olandupa akiliinga Pulu Yili-ni kanupa kaí piliilimú uluma mimi-siku piliiku teku mului.

Hebrews 13:5

Ku-monima kanuku yama naa meku molai. Pulu Yili-ni nimba mele: “Na-ni eni aima mundupu naa kelepu anju aima naa pumbu. ‘Eni-enini molangi na-ni naa nokumbu.’ aima naa nimbú.” Ung-Manima 31:6 nirim. Aku nirimaliinga piliipu kene “Auliele nanga liipa tapunjuliele; na mini-wale naa mundumbu. Yambu te-ni na-kene nambulka ulu-kis te kapula tembaye?” Konana 118:6(-7) nimbu manda tondulu mundupu piliimuláliinga méle nosulimelema ‘Kapula nosuliumulu.’ niku piliiku molai.