Luke 1:33 - Bo-Ung NT

³³ Eninga anda-kolepa Jekop-ni kalupa liirim yambuma yu-ni kam-kamu nokumbako. Yu yi nuim king auliele molupa mindi pupili.” nirim.

Luke 1:33 Iomraidhean Croise

Matthew 1:1

[Isrel-yambumanga ui-pulu-pulu anda-kolepa] Eprayam kene penga yandupa [eninga yi nuim king auli] Depit kene elsele-ni Yesos Krais kalku liiringli mele i-sipa:

Matthew 28:18

Kanu-kene Yesos yu nondupa omba eninindu nimba mele: “Tata-ni nandu “Nu-nunu mulú-koleana mélema kene yambuma kene, ma-koleana mélema kene yambuma kene nokani.” nimba tondulale na sirim, na-kene pelemú.

Luke 1:34

Maria-ni angkellalendu nimba mele: “Nikinu ulu ili nambi-sipa tembalendu nikinuye? Na yi te naa purundu kanili.” nirim.

Romans 9:6

[Anda-kolepa yi] Isrele-ni kalupa liirim yambu nanga anginipili mare pulele Pulu Yili liiku bulu silimeláliinga sika Isrel-yambuma naa molemeláliinga [na enini kanupu kondu telemáliinga-pe] aku-sipu nikerale ‘Pulu Yili-ni Isrel-yambuma-kene “Tembu.” nimba, nimba panjurum ungele kamu mania pumu.’ nimbu naa niker. [Pulu Yili-ni “Tembu.” nimba, nimba panjurum ung akili Isrel-yambu sikamanga ungele] akiliinga yunga ungele sika kamu mania naa pumu. We pelemú.

Galatians 3:29

Eni Krais-nga yambuma mulúngi lem eni Eprayam-ni kalupa liirim yambuma molemeleko; Pulu Yili-ni ui [Eprayam-ni kalupa liimba yambuma] “Simbu.” nimba, nimba panjurum melale eni wasie liingí.

Galatians 6:16

Ya niker mele ‘Sika’ niku piliiku liiku telemele yambuma enini Pulu Yili-nga Isrel-yambu [sika]ma molemele. Yambu kanuma numanu waengu nipili molangi; Pulu Yili-ni eni kondu kolupa, ui teku kis-siring mele mundupa kelepa ‘Pundu tangi.’ naa nipili.

Philippians 3:3

Oliu Krais-nga yambuma mindi aima sika kangi kupsili Isrel-yambuma molemulu. Oliu Pulu Yili-nga Minéle-ni liipa tapunjilimáliinga Pulu Yili popu tolemulu yambuma molemulu. Krais Yesos-nga bili mindi paka tonjupu, ‘kangikundu ulu te telemele akili oliu naa liipa tapunjupa tepa naa liilimú.’ nimbu piliilimulu yambuma molemulu.

Hebrews 1:8

Akiliinga-pe Pulu Yili-ni Málundu nimba mele: “Pulu Yili, nu taki-taki yi nuim kingele mollu mele molkunu mindi puni. Nu-ni ulu sumbi-nílima tekunu yambuma nukuni.

Revelation 11:15

Kanu-kene penga angkella angere yupuku-guli-ni bikullma ambuluringimanga angere yupuku-guli sipale-ni yunga bikullele ung sirim kene mulú-koleana [yambu-]pulele-ni ung te tondulu munduku wendu oku kene niku mele: “‘Ma-koleale nanga.’ nimba ui nokupa yi nuim king auliele mulurumeliinga alko topa, oliunga Auli [Pulu Yili] kene yu-ni ‘Yambuma nokupa konjumba yi te liipu mundumbu.’ nimba makó turum yi-nuim Kraisele kene elsele-ni ‘Ekupu olsunga.’ nikulu elsele kam-kamu kingsele molkulu nokukulu mindi molku punglí.” nirim.