John 20:14 - Bo-Ung NT

¹⁴ Aku nimba kene yu topele topa kanurum kene yunga bulkundu Yesos angiliirimu[na] kanurum. Akiliinga-pe ‘akili Yesos [lem]’ nimba kanupa bi naa sirim.

John 20:14 Iomraidhean Croise

Matthew 28:9

[Lkisiku punglí puringli kene] Yesos liipa sinjipa elsele kupulanum-na kanupa liipa kene “Okombeleye?” nirim. Kanu-kene elsele-ni yunga kimbukundu puku kanglkulu yu kape niku bi paka tunjuringli.

Mark 16:12

[Makdalla ambu Maria Yesos yunu liipa ora sipa kene,] penga [yu lumbili anduringimanga] yambu tale [kolea-auli Jerusallem munduku kelkulu] kupulanum tenga-lupa puringlina Yesos yunu kumbi-keri kangiele topele topa yunu ‘kanangli.’ nimba omba mokeringa angiliirim.

Mark 16:9

Pulu monjuku kongun tiring enaliinga, aima ipulele-ui, Yesos lomburupa ola molupa kene, Makdalla taon ambu Maria, ui walse kuru angere yupuku-guli numanuna muluringma Yesos-ni topa makururum ambu kanili mulurumna pupa [‘Na lomburupu ola mulundu we moliu akili kanupili.’ nimba] liipa ora sirimele.

Luke 24:16

akiliinga-pe Yesos-ni ‘Yu we-yi te-lupa okum niku piliangli.’ nimbaliinga aku-sipa tirim, elsele-ni yu naa kanuku bi siringli.

Luke 24:31

Aku-sipa tirim kene elsele yu kanukulu elsengla Auli Yesos niku kanuringli kene yunu tepa nema liirim-na alsuku naa kanuringli.

Luke 4:30

Akiliinga-pe yunu enini máku toku angiliiringina sumbi-sipa pupa tenga-lupa pumba purum, yunu kapula naa ambuluring.

John 21:4

Kanu-kene ena mundi ombá tirim kene Yesos no-kéluna angiliirim akiliinga-pe lumbili andúlima-ni ‘Yu Yesos.’ niku kanuku bi naa siring.

John 8:59

Aku nirim-na piliikuliinga [Pulu Yili marake tepa ‘Pulu Yili moliu.’ nimba nirim-na piliikuliinga] enini “Yu topu konjamili.” niku ku-mulú liiku yu tungí tiring. Akiliinga-pe Yesos mo topa kene, lku-tembolluna kiyang nimba omba ulsu purum.